لاهور شێخ جهنگی: له ههر كات و ساتێكدا پێویست بكات یهكێتی بڕیار و ههڵوێستی سیاسی خۆی ڕادهگهیهنێت
ی.ن.ک 06:24 PM - 2021-01-28.
ئهمڕۆ پێنجشهممه 28-1-2021، لاهور شێخ جهنگی هاوسهرۆكی یهكێتیی نیشتمانیی كوردستان پێشوازی كرد له ئازاد محهمهد ئهمین سهرۆكی ئهنجومهنی پارێزگا و ڕزگار حهمه نوری سهرۆكی فراكسیۆن و سهرجهم ئهندامانی فراكسیۆنی سهوز له ئهنجوومهنی پارێزگای سلێمانی.
له دیدارێكدا لاهور شێخ جهنگی ههوڵ و ههنگاوهكانی یهكێتیی نیشتمانیی كوردستان ڕوونكردهوه لهگهڵ هێز و لایهنه سیاسییه كوردستانی و عیراقییهكان له پێناو بهرژهوهندیی باڵای میلـلهت و دۆزینهوهی ڕێگهچارهی گونجاو بۆ ئهو كێشه و گرفتانهی كه بوونهته بهربهست له بهردهم چارهسهری قهیرانهكان.
لاهور شێخ جهنگی ئاماژهی به پرسی لامهركهزیی كرد وهك یهكێك له خاڵهكانی ڕێككهوتن لهگهڵ پارتی دیموكراتی كوردستان بۆ پێكهێنانی حكومهت و جهختیكردهوه لهسهر ههڵوێستی نهگۆڕیی یهكێتیی نیشتمانیی كوردستان بۆ جێبهجێكردنی سیستمی لامهركهزی (دارایی و ئیداریی) لهسهرجهم پارێزگاكانی ههرێمی كوردستان له پێناو ئاسانكردنی ڕاپهڕاندنی كاروبارهكان و پێشكهشكردنی خزمهتگوزاریی زیاتر و باشتر به هاووڵاتییان.
هاوكات ئاماژهی بۆ مهلهفی نهوت كرد و ڕایگهیاند؛ ئهو سامانه به نرخه له جیاتی خۆشگوزهرانی، بووهته نههامهتی بۆ میللهتهكهمان، ئاماژهی بۆ پشكی ههرێمی كوردستان كرد له پڕۆژهیاسای بودجهی گشتی بۆ ساڵی 2021 و پشتیوانیی یهكێتیی بۆ تێپهڕاندنی ئهو بڕگهیه دووپاتكردهوه.
جهختیشیكردهوه كه باشكردنی ژیان و گوزهرانی هاووڵاتییانی ههرێم بهنده به پابهندبونی حكومهتی ههرێم و حكومهتی فیدڕاڵی به ڕێككهوتنی نێوانیان و چارهسهركردنی ئهوكێشانهی كه به ههڵپهسێردراوی ماونهتهوه.
لاهور شێخ جهنگی ڕاشیگهیاند: ئێستا به دۆخێكی ههستیاردا تێپهڕ دهبین و یهكێتییش خاوهن گوتار و ههڵوێستی خۆیهتی و له ههر كات و ساتێكدا پێویست بكات یهكێتیی بڕیار و ههڵوێستی سیاسیی خۆی ڕادهگهیهنێت و پاشهكشه لهو بهڵێنانه ناكات كه به هاووڵاتییانی داوه.
دواتر ههریهك له سهرۆكی ئهنجوومهنی پارێزگا و سهرۆكی فراكسیۆن و ئهندامانی فراكسیۆنی سهوز له ئهنجوومهنی پارێزگای سلێمانی پێشنیار و سهرنجی خۆیان لهسهر كۆی بابهتهكان خسته ڕوو، سوپاسی پشتگیری و پشتیوانییه بهردهوامهكانی لاهور شێخ جهنگییان كرد.
لای خۆیهوه هاوسهرۆكی یهكێتیی نیشتیمانیی كوردستان، وێرای سوپاسكردنیان بۆ سهرنج و پێشنیارهكانیان، داوای له فراكسیۆنی سهوز له ئهنجوومهنی پارێزگای سلێمانی كرد كه كار و چالاكییهكانیان چڕ بكهنهوه بۆ زیاتر خزمهتكردنی هاووڵاتییان.
PUKmedia
هەواڵی زیاتر
-
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
11:58 PM - 2024-03-27 -
مهڵبهندی دیراساتی یهكێتی تواناسازی حزبی بۆ خوێندنی باڵا دهستپێكرد
05:26 PM - 2024-03-27 -
زهوی و مووچه دابهشدهكرێت
02:56 PM - 2024-03-27 -
خانمی یەکەمی عیراق چوار ئۆتۆمبیلی بەخشییە ماڵی بەساڵاچوان و خانەکانی منداڵانی سلێمانی
07:00 PM - 2024-03-26
ئەمانەش ببینە
قوباد تاڵەبانی: هەوڵمان بۆ چارەسەری بودجە و مووچەی هەرێمە
07:01 PM - 2024-03-27
وتهبێژی كۆمسیۆن: كێشهی پهنجهمۆر لهههرێم ئاساییهو ستاندارده
02:22 PM - 2024-03-27
گۆڕانكارییەكانی مەكتەبی راگەیاندن و هۆشیاریی یەكێتی جێبەجێدەكرێن
01:06 PM - 2024-03-27
زۆرترین خوێنراو
-
یەکێتی و حزبی شیوعی چین تەئکید لەپتەوکردنی پەیوەندییەکانیان دەکەنەوە
کوردستان 10:17 PM - 2024-03-27 -
قوباد تاڵەبانی: هەوڵمان بۆ چارەسەری بودجە و مووچەی هەرێمە
کوردستان 07:01 PM - 2024-03-27 -
مهڵبهندی دیراساتی یهكێتی تواناسازی حزبی بۆ خوێندنی باڵا دهستپێكرد
کوردستان 05:26 PM - 2024-03-27 -
پرسەنامەی قوباد تاڵەبانی بۆ خانەوادەی رەسوڵ حەسەن مەحمود
پرسەنامە 05:09 PM - 2024-03-27 -
زهوی و مووچه دابهشدهكرێت
کوردستان 02:56 PM - 2024-03-27 -
وتهبێژی كۆمسیۆن: كێشهی پهنجهمۆر لهههرێم ئاساییهو ستاندارده
کوردستان 02:22 PM - 2024-03-27 -
گۆڕانكارییەكانی مەكتەبی راگەیاندن و هۆشیاریی یەكێتی جێبەجێدەكرێن
کوردستان 01:06 PM - 2024-03-27 -
سودانی لهسهر داوای یهكێتی لیژنهیهك بۆ قهرهبووكردنهوهی زیانلێكهوتوان پێكدههێنێت
کوردستان 11:35 AM - 2024-03-27