لهساڵیادی كۆبانێ دا.. لولهی ئهو تفهنگهی كه مهرگی مران
ریپۆرتاژ 11:46 AM - 2021-01-28.
گهمارۆدان و داگیركردنی كۆبانێ، زۆر قورسه بتوانرێت به رۆژو مانگ، تهنانهت به ساتش پێوانه بكرێ، پێموایه، پێویستمان به پێوهری نوێ بۆ ئهو رۆژانه ههیه، چونكه سوپای مهرگ، سوپای تاڵانیی و وێرانیی و كاولكاریی، بۆ تهنها چاوتروكانێكش، دهرفهتی حهسانهوهیان نهدهدا.
شهو رۆژ، سات به سات و چركه بهچركه، دڕنده چنگ بهخوێنهكانی داعش، تۆپ و موشهك و ئاگریان بهسهر ئهو شارهدا دهباران، ئهو شارهی، نه رهشهبای بهعسی ئهسهدو نه مهغۆل و نه عوسمانی، چۆكیان پێدانهدا، تاریكپهرستانی سهدهی بیست و یهك، ههرچی هێز و توانایهكی پڕ له رق و كینهی ناخی رهشیان ههیه، لهسنووری كۆبانێ ـ كۆیان كردهوهو پهلاماری تروسكهیهك له روناكی و تیشكێك لهئازادی و تاڵێكی سپی، ئاشتیی و ئارامییان دا كه دوای دهیان ساڵ بهخوێنی گهش و ئارهقی رهش و هیواو و ئاواتی ههزاران گهنج و لاوی كوردان بهدهستهاتبو، داعشه نهزان و ناخڕهشهكانی سهدهكانی نهزانیی و شهرمهزاریی، ههوڵیان دا، ئهو كانییه سازگاره كوێركهنهوه كه چنارهكانی جوامێریی ئاودهدا و چۆلهكهكانی بهرائهتی دهحهساندهوه، ویستیان، پێش بهو رووباره بگرن كه ملی نابوو بهرهو ساراو پێدهشتهكان، تاكو دڕك و گهزی پڕلهتاوانی مێردهزمهی ستهمكاریی و كاولكاریی راماڵێت.
ئایییییییییی ... ئهو گهنج و لاوه كوڕ و كچانهی كۆبانێ خاوهنی چ بیرءباوهڕێكی بهرز و پۆڵاینی له شكاندن نههاتن بوون، ئاییی ... چ حهماسهت و گیانفیداییهكیان لهپێناو ئازادیی و سهرفرازی داهێنا.
ئهوان لوولهی ئهو تفهنگانه بوو كه مهرگیان دهمراندو بهدهمی پڕ لهقاقاوه چارهنووسی رهشیان پیشانی تاریكپهرستانی داعش دهدا، ئهوان گۆرانیان بۆ ئازادیی چڕی و ههتاوی ئازادییان بۆ گهل هانی.
كچان و ژنان لهكۆبانێ ئهو دێره شیعرهی پێرهمێردی نهمریان بهرجهسته كرد كه دهڵێت:
تائێستا رووینهداوه لهتاریخی میللهتا
قهڵغانی گولله سنگی كچان بێت لهههڵمهتا
دوژمن به بینینی ئهو دیمهنانه لهجوامێریی و بوێری و ئازایی، ئهو بهرخودان و تێكۆشانه تۆق و ئهترشی بوو، ئازادیخوازانی ههمو دونیای سنگ پڕله سهرفرازیی و ئازادیی، ههتا ههتا شانازی بهو كهڵه قارهمان و جوامێرانهوه دهكهن و بست بست باڵایان پێ بهرز دهبێت و له دیوانه شیعرییهكان و رۆمانهكانی بهرخودان تۆماریان دهكهن.
كۆبانێ ئێستا سومبلی بهرخودان و بهرگرییه، نهك ههر له خاك و ئازادیی گهلی كوردستان، بهڵكو لهههموو جیهان، كۆبانێ ئێستا ستانیلگراد و زنجیره چیاكانی سیرامایسترا و ڤێتنامی سهدهی بیست و یهكه.
مێژووش ههرگیز لهو كهسانه نابورێت كه چاویان لهئاست روباری خوێنی مێرخاسانی كۆبانێ چوقاند و به بهرچاوییانهوه، ژمارهیهك له دڕندهو پاشماوهكانی مێژوو دهشتیایی سهوز و مێرگگوزاری ئازادییان شهڵاڵی خوێن كرد و ئهوانش بێدهنگ بوون.
ئومێد مهحمود
PUKmedia تایبهت
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
قوباد تاڵەبانی: ئارامی سلێمانی هێڵی سوورە
08:59 PM - 2024-04-19
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
زۆرترین خوێنراو
-
پلهبهرزكردنهوهی مووچهخۆرانی ههرێم رهزامهندی بهغدای دهوێت
کوردستان 10:40 AM - 2024-04-20 -
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19