سەرۆک کۆمار:پشتیوانی دەزگا ئەمنییەکانین بۆ روبەڕوبوونەوەی تیرۆر

.

د. بەرھەم ساڵح، سەرۆک کۆماری عێراق ئەمڕۆ چوارشەممە ٢٠٢١/١/٢٧ لە کۆشکی سەلام لە بەغدا پێشوازیکرد لە شاندێکی دار ئەفتا بە سەرۆکایەتی شێخ مەهدی سومەیدەعی و شاندی یاوەری.

لە دیدارەکەدا سەرۆک کۆمار بەگرنگییەوە باسی لە رۆڵی پیاوانی ئاینی کرد بۆ رێگریکردن لە وتاری رق و کینە و هەوڵدان بۆ لێکترازان لە نێوان پێکھاتەکان و کارکردن لەسەر بەهێزکردنی پێکەوەژیانی کۆمەڵایەتی و پتەوکردنی ئاسایش و ئاشتی کۆمەڵایەتی.

لە تەوەرێکی دیکەی دیدارەکەدا سەرۆک بەرھەم رایگەیاند کارە تیرۆریستییەکانی ئەم دواییە ھەوڵێکی شکستخواردووە بۆ تێکدانی پێکەوەژیانی ئاشتیانە و گەڕانەوە بۆ رابردوو، ھاوکات ئاماژەشیکرد بۆ ئەوەی رایگشتی باش درک بە پیلانی تیرۆرستان دەکات کە مەرامیەتی ئاسایش و ئارامی هاووڵاتیان بکاتە ئامانج، دووپاتیشیکردەوە لە گرنگی چەسپاندنی سەروەری یاسا و پشتیوانی لە هێزە ئەمنییەکان بۆ رووبەڕووبوونەوەی تیرۆر و تاوانکاری.

PUKmedia راگەیاندنی سەرۆک کۆمار