كەركوك..ژمارەیەك داعش دەكوژرێت

.

شانەی راگەیاندنی عیراق كوژرانی 4 تیرۆرستی داعشی لەپارێزگای كەركوك راگەیاند كە لەلایەن هاوپەیمانانەوە بۆردومانكراون.

شانەی راگەیاندنی عیراق لە راگەیەنراوێكیدا كە وێنەیەكی گەیشتوەتە PUKmedia ئاماژەی بەوەداوە فەرماندەی ئۆپراسۆنە هاوبەشەكان بۆ روبەڕووبونەوەی تیرۆرستانی داعش لەناوچە شاخاوییەكان و دورە دەستەكان بەردەوامەو لەئەنجامی زانیاری هەواڵگری ورد كە داویانەتە هاوپەیمانان لەسنوری كەركوك لەڕێی بۆردومانی فڕۆكەی هاوپەیمانانەو مۆڵگەیەكی داعش خاپور كراوە.

ئەوەشی رونكردوەتەوە كە لەئەنجامی بۆردومانەكەی هاوپەیماناندا 4 تیرۆرستی داعش كوژراون و ئۆتۆمبێلێك و ماتۆڕسكیلێكیش تێكشكێنراون و لەلایەن هێزەكانی لیوای پیادەی 34ی فیرقەی 7ی سوپای عیراقەوە دەستبەسەر دوو كڵاشنكۆفدا گیراوە.

PUKmedia