سلێمانی.. سەنتەرێکی تاتۆ دادەخرێت

.

به‌هۆی پابه‌ندنه‌بون به‌ رێنماییه‌كانی ته‌ندروستی و نه‌بونی مۆڵه‌تی تاتۆ، لیژنه‌ هاوبه‌شه‌كانی قائیمقامیه‌تی سلێمانی ئارایشتگای تولیپ داده‌خات. 

قائیمقامیەتی سلێمانی لە راگەیەندراوێکدا کە کۆپیەکی دەست PUKmedia کەوتوە رایگەیاند: ئه‌مڕۆ چوارشه‌ممه‌‌، ٢٧-١-٢٠٢١ ڕاپۆرتی لیژنه‌ی ئارایشتگاكانی سه‌ر به‌لیژنه‌ هاوبه‌شه‌كانی قائیمقامیه‌تی سلێمانی ئه‌وه‌یان خستوه‌ته‌رو‌ به‌هۆی پابه‌ندنه‌بون به‌ رێنماییه‌كانی ته‌ندروستی و مه‌رجه‌كانی دیكه‌ی كاركردن، لیژنه‌كه‌ ئارایشتگای تولیپ له‌گه‌ڕه‌كی  به‌كره‌جۆی شاری سلێمانی داده‌خات. 

راپۆرته‌كه‌ ئاماژه‌ی به‌وه‌كردوه‌: ئارایشتگای تولیپ، تاتۆی بۆ خانمان به‌بێ مۆڵه‌ت كردوه‌، ئه‌وه‌ش یه‌كێكی تره‌ له‌ سه‌رپێچییه‌كانی ئارایشتگاكه‌، به‌پێی رێنماییه‌كانی ته‌ندروستی پێویسته‌ ئه‌و كه‌سه‌ی كاری دروستكردنی تاتۆ بۆ خانمان ده‌كات خاوه‌نی بڕوانامه‌ی نێوده‌وڵه‌تی بێت و مۆڵه‌تی كاركردنی له‌ وه‌زاره‌تی ته‌ندروستی وه‌رگرتبێت، به‌پێچه‌وانه‌وه‌ لیژنه‌ هاوبه‌شه‌كان ده‌ست به‌سه‌ر ئامێره‌كانیاندا ده‌گرێت و شوێنه‌كه‌ش روبه‌ڕوی داخستن ده‌كاته‌وه.

PUKmedia