تەندروستی سلێمانی: كەمی تووشبوون بە كۆرۆنا مانای كۆنترۆرڵكردنی نییە

.

دوو نەخۆشخانەی تایبەت بە كۆرۆنا لە سلێمانی نەخۆشیان تێدا نەماوە و جێگری بەڕێوەبەری تەندروستی سلێمانی-یش رایدەگەیەنێت، ئەمە مانای كۆنترۆڵكردنی ڤایرۆسی كۆرۆنا نییە و پێشبینی هاتنی كۆرۆنای نوێ دەكەین وەك زۆربەی وڵاتانی جیها

دكتۆر هێرش سەلیم جێگری بەڕێوەبەری گشتی تەندروستی سلێمانی بە PUKmedia ی راگەیاند: لە ئێستادا دوو نەخۆشخانەی تایبەت بە كۆرۆنا لە سلێمانی نەخۆشیان تێدا نەماوە و كارمەندانیان دەوام ناكەن بەڵام، هەر كاتێك رێژەی تووشبوون بە كۆرۆنا بەرز بووەوە ئەوا ئەو نەخۆشخانانە ئامادەن بۆ پێشوازیكردن لە تووشبووانی كۆرۆنا.

وتیشی: یەكێك لەو  نەخۆشخانانە، نەخۆشخانەی شەهید تاهیر والی بەگە كە لە ئێستادا تایبەت كراوە بە  سەنتەری تاقیگەی مەركەزی بۆ كۆرۆنا.

راشیگەیاند: نەمانی نەخۆش لەو نەخۆشخانانەدا مانای كۆنترۆڵكردنی ڤایرۆسی كۆرۆنا نییە و  ناتوانین بڵێین كۆرۆنامان كۆنترۆڵ كردووە، پێشبینیش دەكەین كۆرۆنای نوێ بگاتە كوردستان هەر وەك چۆن لە زۆربەی وڵاتانی جیهاندا بڵاوبووەتەوە.

سەبارەت بە هەبوونی حاڵەتی كۆرۆنای نوێ لە كوردستان جێگری بەڕێوەبەری گشتی تەندروستی سلێمانی رایگەیاند: تاكو ئێستا یەك حاڵەتی گوماناوی لە دهۆك تۆماركراوە ئەویش تا ئێستا روون نەبووەتەوە كە كۆرۆنای نوێیە یان نا.

ئەمە لە كاتێكدایە بە پێی نوێترین ئاماری بەڕێوەبەرایەتی گشتی تەندروستی سلێمانی لە كۆی چوار نەخۆشخانەی تایبەت بە كۆرۆرنا لە شارەكە، هەر یەك لە نەخۆشخانەی ئاسا و تاهیر والی بەگ تووشبووی كۆرۆنایان تێدا نەماوە. 

PUKmedia ژینەر محەمەد