ئه‌مریكا 600 ملیۆن ڤاكسینی كۆرۆنا ده‌كڕێت

.

سه‌رۆكی ویلایه‌ته‌ یه‌كگرتووه‌كانی ئه‌مریكا ڕایگه‌یاند به‌پێی به‌رنامه‌ی بۆ دارێژراو 200 ملیۆن ڤاكسینی دیكه‌ ده‌كڕین به‌مه‌به‌ستی به‌ره‌نگاربوونه‌وه‌ی په‌تای كۆرۆنا.

جۆ بایدن هۆشداری دا كه‌ دۆخی ته‌شه‌نه‌سه‌ندنی په‌تای كۆرۆنا به‌ره‌و خراپتر ده‌ڕوات و بۆ ئه‌و مه‌به‌سته‌ش 200 ملیۆن ڤاكسینی دیكه‌ ده‌كڕین.

بایدن پێشتر به‌ڵێنی دابوو له‌ 100 ڕۆژی كار ئیداره‌كه‌ی ده‌بێت 100 ملیۆن ئه‌مریكی ڤاكسینی كۆرۆنایان بۆ دابین بكرێت و ڕۆژانه‌ 8 ملیۆن و 600 هه‌زار ئه‌مریكی ڤاكسینی كۆرۆنا به‌كارده‌هێنن.

ڕۆیته‌رز رایگه‌یاندووه‌ تا هاوینی 2021 ئه‌مریكا بڕی 600 ملیۆن ڤاكسین دابین ده‌كات بۆ ئه‌وه‌ی 331 ملیۆن هاووڵاتی ئه‌مریكا به‌كاری بهێنن.

PUKmedia  ئاژانسه‌كان