سنه‌.. له‌ 24 سه‌عاتدا 51 كه‌س تووشی كۆرۆنا بوون

.

سه‌رۆكی زانكۆی پزیشكی پارێزگای سنه‌ ڕایگه‌یاند: له‌ 24 سه‌عاتی ڕابردوودا 51 كه‌س له‌و پارێزگایه‌ تووشی كۆرۆنا بوون و هیچ حاڵه‌تێكی مردن تۆمار نه‌كراوه‌.

فه‌رزین ڕه‌زاعی سه‌رۆكی زانكۆی پزیشكی پارێزگای سنه‌ له‌ ڕۆژهه‌ڵاتی كوردستان به‌ ئاژانسی ئیسنای ئێرانی ڕایگه‌یاندووه‌: له‌ ئێستادا 107 تووشبووی كۆرۆنا له‌ نه‌خۆشخانه‌كانی ئه‌و پارێزگایه‌ له‌ژێر چاودێری وردی پزیشكیدان كه‌ له‌و ڕێژه‌یه‌ باری ته‌ندروستی 33 تووشبوو زۆر خراپه‌.

ڕاشیگه‌یاندووه‌ له‌سه‌ره‌تای سه‌رهه‌ڵدانی په‌تای كۆرۆنا تا ئێستا 1053 كه‌س به‌هۆی كۆرۆناوه‌ مردوون كه‌ زۆربه‌یان دانیشتووی شاری سنه‌ن.

PUKmedia ئاژانسی ئیسنا