هاوكاری هاوسەرۆكانی یەكێتی گەیەنرایە نەخۆشخانەی لەدایكبوونی رانیە

.

هاوكارییەكانی هاوسەرۆكانی یەكێتیی نیشتمانیی كوردستان گەیەنرایە نەخۆشخانەی فێركاری منداڵان و لەدایكبوونی رانیە و بەڕێوەبەری گشتی تەندروستی راپەرین-یش رایدەگەیەنێت، بەم هاوكاریانە زۆربەی پێداویستییەكانی نەخوشخانەكە چارەسەردەكرێن.

دكتۆر دیار ئیبراهیم بەڕێوەبەری گشتی تەندروستی راپەرین بە PUKmedia ی راگەیاند: لەبەردەوامی هاوكارییەكانی هاوسەرۆكی یەكێتیی نیشتمانیی كوردستان بۆ كەرتی تەندروستی راپەڕین، بڕێكی زۆر هاوكاری و پێداویستی تایبەت بەنەخۆشخانە گەیەنرایە نەخۆشخانەی فێركاری منداڵان و لەدایكبوونی رانیە.

 وتیشی: بەم هاوكاریانە دەتوانرێت زۆربەی پێداویستییەكانی ناو نەخوشخانەكە چارەسەربكرێن.

راشیگەیاند: بەناوی بەڕێوەبەرایەتی گشتی تەندروستی راپەڕینەوە سوپاس و دەستخۆشی خۆمان ئاراستەی هاوسەرۆكانی یەكێتیی نشتمانیی كوردستان دەكەین، كە بەردەوام هاوكاری كەرتی تەندروستی سنوورەكەمانن.

PUKmedia محەمەد رەسوڵ-رانیە