پەردە لەسەر پەیکەری مامۆستا کەمال هەورامی لادرا

.

 لەپێنجەمین ساڵیادی کۆچی دوای نوسەرو پێشمەرگە (مامۆستا کەمال هەورامی ) ، بەڕێوەبەرایەتی گشتی ڕۆشنبییری و هونەری هەڵەبجە مەراسیمێکی پەردەلادانی بۆ پەیکەری کۆچکردوو سازکرد 

محەمەد فەتاح بەڕێوەبەری گشتی ڕۆشنبیری و هونەری هەڵەبجە لەلێدوانێکدا بە PUKmedia ی ڕاگەیاند :بڕیار بوو ئەم چالاکیە پێشتر ئەنجام بدرایە بەڵام بەهوی بوونی پەتای کۆرۆنا و پابەند بوون بەڕێنماییە تەندروستییەکان دواخرا 

وتیشی : بەم کارەی بەڕێوەبەرایەتیمان هیوادارین وەفایەکی بچوکمان نیشاندابێت بەرامبەر گەورەی مامۆستا کە تەواوی تەمەنی لەخەبات کردن بۆ گەلەکەی سەرفکردووە .

ئاماژەی بەوەشکرد : هونەرمەندان و هونەردۆستانی ئێستاو ڕابردوو شیاوی بەسەرکردنەوەو ڕێزلێنانن و ئێمە وەک بەڕێوەبەرایەتی ڕۆشنبیری ئەوەی پێمان بکرێت لەو ڕووەوە بۆ خزمەتیان ئەنجامی دەدەین

هەر لەمەراسیمەکەدا چەند وتارێک لەلایەن هاوڕێیان و بنەماڵەی کۆچکردوو خوێنرایەوەو ڤیدۆیەک لەسەر ژیانی پێشکەشی ئامادەبوان کرا ، دواتر لە باخچەی بەڕێوەبەرایەتی ڕۆشنبیری و هونەری هەڵەبجە پەردە لەسەر پەیکەری مامۆستا کەمال هەورامی لادرا .

PUKmedia کۆسار مەحمود