لیژنەی دارایی پەرلەمانی عیراق دڵنیایی دەدات لەوەی هیچ لێبڕین و كەمكردنەوەیەك لە مووچەی فەرمانبەران بۆ ساڵی 2021 ئەنجام نەدراوە.  

ناجی سەعیدی ئەندامی لیژنەی دارایی پەرلەمانی عیراق رایگەیاند: هیچ لێبڕینێك لە مووچەی فەرمانبەران بۆ ساڵی 2021 نییە جگە لە پلە باڵاكان.

هاوكات ئیخلاس دلێمی ئەندامی لیژنەی  دارایی پەرلەمانی عیراق رایگەیاندووە: 70%ی  پرۆژە یاسای بودجەی 2021، لەلایەن لیژنەكەیانەوە  گفتوگۆی لەسەر كراوەو ئەو بڕگانەی تری كە ماون پێویستیان بەلێكتێگەیشتی سیاسی  هەیە.

ئاماژەی بەوەشكردووە:پرۆژە یاسای بودجەی 2021 لە هەفتەیەك بۆ 10 رۆژی داهاتوو یەكلادەبێتەوە، ئەو بڕگەیەشی تایبەتە بە لێبڕین لە مووچەی فەرمانبەران رەتدەكرێتەوەو لەبری ئەوە بڕگەیەك دادەنرێت تایبەت بەباجی دەرامەت.

ئەو پەرلەمانتارە دەشڵێت: ئەو باجی دەرامەتەی كە دادەنرێت كاریگەریی لەسەر مووچەخۆران نابێت و ئەو كەسانە ناگرێتەوە كە داهاتیان سنووردارەو تەنها بۆ ئەوانە دەبێت كە داهاتیان زۆرە.

PUKmedia ئاژانسەكان