له‌ هێرشێكی ئاسمانیدا چه‌ندین تیرۆرست كوژران

.

شانه‌ی راگه‌یاندنی ئه‌منی عیراق رایگه‌یاند: له‌ دوو هێرشی ئاسمانی هاوپه‌یمانان له‌ له‌ چیای قه‌ره‌چوخ و كه‌ركوك 7 تیرۆرستی داعش كوژراون.

له‌ به‌یاننامه‌یه‌كی شانه‌ی راگه‌یاندنی ئه‌منی عیراق كه‌ ئه‌مڕۆ 23-1-2021، كۆپییه‌كی ده‌ست PUKmedia كه‌وتووه‌ تێیدا هاتووه‌، پاڵپشت به‌ زانیاری هه‌واڵگری وردو به‌ هه‌ماهه‌نگی هێزه‌ ئه‌منییه‌كانی عیراق فڕۆكه‌ جه‌نگییه‌كانی هاوپه‌یمانان دوو هێرشی جیایان بۆسه‌ر مۆڵگه‌كانی داعش له‌ چیای قه‌ره‌چوخ و كه‌ركوك ئه‌نجامدا.

هه‌رله‌ به‌یاننامه‌كه‌دا هاتووه‌، له‌و دوو هێرشه‌دا 7 تیرۆرستی داعش كوژراون، هه‌روها 4 تونێلی ئه‌و تیرۆرستانه‌ به‌ ته‌واوه‌تی خاپور كراون كه‌ تیرۆرستان بۆ خۆشاردنه‌وه‌و ئه‌نجامدانی كاره‌ تیرۆرستییه‌كانیان به‌كاریان ده‌هێنا.

PUKmedia شانه‌ی راگه‌یاندنی ئه‌منی عیراق