بەبۆنەی داگیرساندنی مۆمی 18 ساڵەی تەمەنی ماڵپەڕی PUKmedia وە، لیوا چەتۆ ساڵح ‎ئەندامی ئەنجومەنی سەركردایەتی و بریكاری وەزارەتی ناوخۆی حكومەتی هەرێمی كوردستان، بروسكەیەكی پیرۆزبایی ئاڕاستەی سەرنووسەر رۆژنامەنووسان و كادرانی ماڵپەڕەكە دەكات كە ئەمە دەقەكەیەتی:

بروسكەی پیرۆزبایی:

بەڕێزان بەڕێوەبەر و كادیران و كارمەندانی سایتی پیوكەی میدیا لەناخی دڵەوە پیرۆزبایی ساڵیادی دامەزراندنتان لێدەكەم، ئێوە لە حەڤدە ساڵی تەمەنتان توانیوتانە ڕاستگۆیانەو بوێرانە ڕوماڵی ڕوداوو هەوالەكان بگەیەننە خەڵك ئەمەش دڵنیام بە كۆمەڵێك ڕۆژنامە نوس و میدیاكاری پڕ ئەزموون دەكرێت.

ئێستاش لە گەڵ داگیرساندنی مۆمی هەژدەهەمین ساڵەی سایتە سەوزو  پڕ زانیارییەكەی پیوكەی میدیا هیوای سەركەوتنی زیاترتان بۆ دەخوازم ،هەروەها ئومێدەكەم لەم ساڵە لە لوتكەی سەركەوتندا بتان بینم، بە ئێوەی بەڕێوەبەر و ڕۆژنامەنوسان و كادیران و كارمەندانتان دەڵێم  كار لە میدیایەك دەكەن كە میراتی زیاتر لە بیست و یەك هەزار شەهیدە بۆیە هەموو تواناتان بخەنە گەڕ بۆ سەر خستن و پێشكەوتنی سایتە جوانەكەتان،وەك هەمیشە ئێوە پێشەنگی گەیاندنی خواست و داخوازییەكانی هاوڵاتیان بون ، لە ئێستاشدا كە مۆمی هەژدە ساڵەتان دادەگیرسێنن چاومان لەسەركەوتنی زیاترتانە.

جارێكی تر پیرۆبایی لەتەواوی كادیران و ڕۆژنامەنوسان و كارمەندانتان. دەكەم، ئێمەش پشت و پشتیوانتان دەبین.

سەركەوتنتان بە ئاواتە خوازم

‎لیواچەتۆ ساڵح سەعید 

‎ئەندامی ئەنجومەنی سەركردایەتی و بریكاری وەزارەتی ناوخۆی حكومەتی هەرێمی كوردستان

PUKmedia تایبەت