ئەمریكا بەتوندی سەركۆنەی تەقینەوەكانی بەغدا دەكات

.

ولایەتە یەكگرتووەكانی ئەمریكا، ئەمڕۆ پێنجشەممە 21ی كانوونی دووەم، سەركۆنەی تەقینەوەكانی بەغدای پایتەختی فیدڕاڵی كرد.

باڵوێزخانەی ئەمریكا لەبەغدا لەراگەیەنراوێكدا كەوێنەیەكی دەستی PUKmedia كەوتووە، بڵاویكردەوە، ولایەتە یەكگرتووەكانی ئەمریكا بەتوندترین شێوە سەركۆنەی ئەو هێرشە خۆكوژییە دەكات كە ئیمڕۆ مەیدانی تەیرانی پایتەختی كردە ئامانج و بەهۆیەوە دەیان هاووڵاتی سڤیل و بێتاوان بوونە قوربانی.

لەراگەیەنراوەكەدا، باڵوێزخانەی ئەمریكا هێرشەكە بە كارێكی ترسنۆكانەو قێزەون باس دەكات و جەختیشی لەسەر مەترسییەكانی تیرۆر كردوەتەوە كە بە ملیۆنان لەهاووڵاتیانی عیراق رووبەڕووی بوونەتەوە، هاوكات پرسەو سەرەخۆشی خۆشیان بۆ قوربانییانی تەقینەوەكان دەربڕیوە و هیوای چاكبوونەوەی بەپەلەش بۆ برینداران دەخوازن.

PUKmedia راگەیاندنی باڵوێزخانەی ئەمریكا