ساڵیادی دامەزراندنی سۆشیال میدیای PUKmedia پیرۆزبێت لە ستاف و بەڕێوەبەرو نوسەرو تەواوی کارمەندە دڵسۆزەکانی ئەم دەزگایە کە هەمیشە بێماندووبوون ڕۆژوشەویان خستووەتەسەریەک بۆخزمەتی کۆمەڵگەی کوردی ، ئاشکرایە میدیا ڕۆڵ و کاریگەری گەورەوگرنگی هەیە لە پێشخستن و هوشیارکردنەوەی کۆمەڵگە و لەهەموو بوارو سێکتەرەکانی دیکەی ژیاندا لەونێوەندەشدا سۆشیال میدیای PUKmedia ڕۆڵ و کاریگەری بەرچاوی هەبووە هەر لەبواری پەروەردەیی و ژینگەیی و زانستی و تەندروستی و کۆمەڵاییەتی و گەنجان و لاوان و ژنان و بازاڕو ئابوری و سیاسەت و ئینتیمای نیشتیمانپەروەری و ...هتد  و  بەتایبەت لایەنی ئەمنی و سەربازی و بەتایبەتی تر لەکاتی هەستیارو پێشهات و جەنگە نەخوازراوەکاندا و لە کاتی سەرهەڵدانی تیرۆردا ڕۆڵی بەرچاوی گێڕاوە ،

بێگومان PUKmedia لەهەریەک لەوبوارانەی کە ئاماژەمان پێدا خزمەتێکی بەرچاوی کردووەو هەمیشە ڕاستگۆیی لە هەواڵ و بوێری لە زووگەیاندن لە ئەولەویەتی کاری ئەو دەزگایە بووە سەرەڕای ئەوەی بەردەوام هاوشانی پێشمەرگە لە سەنگەرەکانی بەرگریدا بەشێوەیەکی مەیدانی و زانستی و ئەکادیمی و هونەری هەروەها بەرپرسیارانە پیشتیوان و ورەی پۆڵاین بووە بۆ پێشمەرگە گیان لەسەردەستەکانی نیشتیمان و هاوکات گورزێکی جەرگبڕبووە بۆ تیرۆر و تیرۆستان ئەوەش لەڕێگەی هونەری لێزانانە لەکاری ڕاگەیاندن و گواستنەوەی هەواڵ و وتار و ڕوماڵکردنی ڕووداوەکان کە لەچاوی ڕاگەیاندنەکانی ئەم دەزگا  نیشتیمانپەروەرەدا ڕوماڵکراوە هەر لەو ڕێگەیەوە خزمەتێکی گەورەی پێشکەشکردووە ، وا ئەمڕۆش ئەم دەزگایە مۆمی تەمەنی پێدەنێتە ١٦ساڵیادییەوە دەخوازین ڕۆژ لەدوای ڕۆژ ئەم سەکۆیە فراوانتر و پڕبەرهەم ترو ساڵ لەدوای ساڵ گەشەی زیاتر و خوێن و وزەی جۆشدراوتربێت و زیاتر خزمەتی کۆمەڵگەی کوردی ونیشتیمان بکات و برەو بەتوانا بەردەوامەکانی بدات 

بێگومان چاوەڕوانی ئەوەشی لێدەکرێت

جارێکی تر ساڵیادی دامەزراندنی  ئەم دەزگایە پیرۆزبێت لەتەواوی ستاف و بەڕێوەبەرو دەستەی نوسەران و لە هەموو ئەوانەش کە ڕۆژێک ماندوو بوونە لە بەرەو پێشچوونی ئەم دەزگا ڕاگەیاندنە مەزنەدا

عەتا تەها