له‌باره‌ی گیانله‌ده‌ستدان به‌ ڤاكسینی كۆرۆنا روونكردنه‌وه‌ ده‌درێت

.

تا ئێستا ھیچ حاڵه‌تێكی گیانله‌ده‌ستدان به‌ھۆی پێدانی ڤاكسینی دژی كۆرۆنا، تۆمار نه‌كراوه‌.

رێكخراوی ته‌ندروستی جیھانی رایگه‌یاند، تاكه‌ ڤاكسین به‌شێوه‌یه‌كی به‌ربڵاو له‌ جیھاندا به‌كارده‌ھێنرێت، ڤاكسینی فایزه‌ره‌، تائێستاش ھیچ حاڵه‌تێكی گیانله‌ده‌ستدان به‌ھۆی پێدانی ڤاكسینه‌كه‌ به‌ ھاووڵاتیان، تۆمار نه‌كراوه‌.

روونكردنه‌وه‌كه‌ی رێكخرای ته‌ندروستی جیھانی له‌كاتێكدایه‌، ھه‌فته‌ی رابردوو لێپرسراوانی نه‌رویج، رایانگه‌یاند: 23 كه‌سی به‌ساڵاچوو كه‌ ڤاكسینی فایزه‌ریان پێدراوه‌، گیانیان له‌ده‌ستداوه‌ و لێكۆڵینه‌وه‌كانیش له‌باره‌ی ھۆكاری گیانله‌ده‌ستدانیان، به‌رده‌وامه‌.

رێكخراوی ته‌ندروستی جیھانی ئاماژه‌ی به‌وه‌شكردوه‌، به‌ وردی چاودێری ئه‌و وڵاتانه‌ ده‌كه‌ن كه‌ ڤاكسینی فایزه‌ر به‌كار ده‌ھێنن.

PUKmedia ئاژانسه‌كان