نرخی دۆلار تادێت بەرزدەبێتەوە

.

نرخی هەر 100 دۆلارێكی ئەمریكی لە بازاڕەكانی هەرێمی كوردستان نزیكەی 146 هەزار دیناری عیراقی و تادێت زیاتریش بەرز دەبێتەوە.

لەوبارەیەوە شوان هادی خاوەنی نووسینگەی یۆرۆ لە بازاڕی دۆلارەكەی سلێمانی تایبەت بە PUKmedia ی راگەیاند: ئەمڕۆ 21ی 1ی 2021 نرخی دۆلار بەرزبوونەوەی بە خۆوە بینیووە و لە ئێستادا بەهای 100 دۆلاری ئەمریكی لە بازاڕەكانی هەرێمی كوردستان 145 هەزار و 900 دینارەو بەراورد بە دوێنێ زیاتر بەرزبووەتەوە.

وتیشی: ئەمڕۆ بەهای 100 یۆرۆ 176 هەزار و 500 دینار و بەهای پاوەند 197 هەزار و 750 دینار و لیرەی توركی 19 هەزار و 750 دینار و تمەنی ئێرانی 6 هەزار و 750 دینارە.

ئەمە لە كاتێكدایە ماوەی زیاتر لە مانگێكە نرخی دراوەكان بەگشتی و دۆلار بەتایبەتی لە بازاڕەكانی عیراق و هەرێم جێگیر نییەو لە بەرزبوونەوەدایە، هۆكارەكەشی بۆ پڕكردنەوەی كۆرتهێنانی بودجەی ساڵی 2021 دەگەڕێنرێتەوە كە هەر دۆلارێك بەرامبەر دیناری عیراقی بە 1450 دینار جێگیركراوە.

PUKmedia تایبەت