پڕۆژه‌ی لامه‌ركه‌زی به‌ڕێوه‌بردن و دارایی _ بۆچی ؟

.

لامه‌ركه‌زی پڕۆژه‌یه‌كی سه‌رده‌میانه‌و پێشكه‌وتوانه‌یه‌ له‌زۆربه‌ی وڵاته‌ پێشكه‌وتوه‌كانی دنیا پیاده‌ كراوه‌ بۆ به‌ڕێوه‌بردنی ئیداری و دارایی و شۆڕبونه‌وه‌ی ده‌سه‌ڵاته‌كان  بۆ خواره‌وه‌ لامه‌ركه‌زی پڕۆژه‌یه‌كی دیموكراسی و به‌دامه‌زراوه‌یی كردنی وڵاته‌و وڵات به‌ره‌و پێشه‌وه‌ ده‌بات  گه‌نده‌ڵی كه‌م ده‌كاته‌وه‌و ڕۆتین ناهێڵێت  ژێرخانی ئابوری ده‌ژێنێته‌وه‌ , كاروباری هاوڵاتیان باشترو چاكتر ڕێكده‌خات  هاوكار ده‌بێت بۆ ده‌سه‌ڵاتی ناوه‌ند  كه‌ بتوانێ ئه‌ركو ده‌سه‌ڵاته‌كانی خۆی باشتر به‌ڕێوه‌ ببات سه‌رقاڵی ئه‌ركه‌ لاوه‌كیه‌كان نه‌بێت  كه‌ ئه‌ركی ئیداره‌ خۆجێییه‌كانه‌ به‌ڕێوه‌ی به‌رن .

پڕۆژه‌كه‌ی  ی . ن . ك  له‌لایه‌ن به‌شی یاسایی ئه‌نجومه‌نی سه‌ركردایه‌تیوه‌ ئاماده‌ كراوه‌  دوای شه‌نوكه‌و كردنی هه‌ڤاڵانی به‌ڕێزان هاوسه‌رۆكان په‌سه‌ندیان كردووه‌ 

ئه‌م پڕۆژه‌یه‌ بۆ هه‌موو پارێزگاكانی هه‌رێمه‌ ته‌نها بۆ پارێزگای سلێمانی نیه‌ له‌ 11 مادده‌ پێكهاتووه‌ پڕۆژه‌یه‌كی تێروته‌سه‌له‌ له‌ سودوقازانجی به‌ڕێوه‌بردنی ئیداری و دارایی هه‌رێمی كوردستانه‌ هه‌رێم به‌ره‌و پێشه‌وه‌ ده‌بات  هه‌رێم به‌دامه‌زراوه‌یی ده‌كات له‌ڕوی ئیداریو دارایی و ئاوه‌دانكردنه‌وه‌و وه‌به‌رهێنان داهاتی پارێزگاكان دیاری ده‌كات و ئه‌و داهاته‌ ده‌چێته‌ خزمه‌تی هاوڵاتیانی پارێزگاكان له‌سه‌رجه‌م بواره‌كاندا ئه‌وه‌ی پێویسته‌ ده‌چێته‌وه‌ بۆ خه‌زێنه‌ی ناوه‌ند له‌ وه‌زاره‌تی دارایی 

به‌داخه‌وه‌ هه‌ندێ لایه‌ن به‌تایبه‌ت  پ.د.ك  پێی وایه‌ ئه‌م پڕۆژه‌یه‌ ووڵات به‌ره‌و دوو هه‌رێمی ده‌بات ئه‌مه‌ هه‌ڵه‌ تێگه‌شتنه‌ ئه‌بێت پارتی باشتر له‌م پڕۆژه‌یه‌ تێبگات و به‌رجه‌سته‌ی بكات بۆ خزمه‌تی هه‌رێمی كوردستان و ڕزگاربوون له‌ زۆری قه‌یرانی چاره‌سه‌ر نه‌كراو كه‌ هه‌رێمی گیرۆده‌ كردووه‌ و بێ چاره‌سه‌ر ماه‌وه‌ته‌وه‌ له‌به‌رنامه‌ی كابینه‌ی (9) ی حكومه‌ت ئاماژه‌ی به‌ئه‌نجامدانی لامه‌ركه‌زی داوه‌ , پێویسته‌ به‌ ئه‌نجامی بگه‌یه‌نێ  له‌ به‌ڕێوه‌بردنی حوكمڕانی سه‌رده‌میانه‌ حكومه‌تی ناوه‌ند ده‌بێت كۆمه‌ڵێك ده‌سه‌ڵاتی بنه‌ڕه‌تی هه‌بێت  ناوه‌ند ده‌سه‌ڵاتی به‌رگری و ده‌ره‌وه‌و گه‌شه‌ی گشتی به‌ده‌سته‌وه‌ بێت پلاندانانی گشتی و ڕێكخستنی په‌یوه‌ندیه‌كانی ده‌ره‌وه‌ ئه‌و كارانه‌ی به‌پیًی یاسا ئه‌ركی ناوه‌نده‌ پڕۆژه‌ی لامه‌ركه‌زی به‌شێكی كاریگه‌ره‌ له‌چاكسازی ئه‌وكاته‌ ده‌بێت ئه‌نجومه‌نی پارێزگاو پارێزگارو ئه‌نجومه‌نی قه‌زاو ناحیه‌كان و شاره‌وانی له‌ ڕێگه‌ی هه‌ڵبژاردنه‌وه‌ بێت

ده‌بێت كۆمه‌ڵانی خه‌ڵكی كوردستان له‌و ڕاستیه‌ تێبگه‌ن یه‌كێتی نیشتیمانی كوردستان دژی دوو ئیداره‌ییه‌ هه‌رێمێكی یه‌كو یه‌كگرتوی ده‌وێت به‌ڕێوه‌بردنێكی به‌هێزی ده‌وێت له‌سه‌ر بنه‌مای لامه‌ركه‌زی به‌ڕێوه‌بردن و دارایی هه‌رگیزاو هه‌رگیز ئه‌مه‌ دابه‌شكردن و لێكترازاندن نیه‌ به‌ڵكو ئه‌م پڕۆژه‌یه‌ هه‌رێم به‌ره‌و پێشه‌وه‌ ده‌بات حكومڕانیه‌كی نوێو سه‌رده‌میانه‌ بۆ هه‌رێم دێنێته‌ كایه‌وه‌

ی.ن.ك له‌پێش ڕاپه‌ڕینه‌وه‌ پێش دروست بونی حكومه‌تی هه‌رێم بڕوای وابوه‌ هه‌ركاتێ حوكمڕانی كورده‌واری له‌ كوردستان پێكهێنرا ده‌بێت ویلایه‌ته‌كان ده‌سه‌ڵاتی لامه‌ركه‌زی هه‌بێت ده‌سه‌ڵاتی ویلایه‌ته‌كان دیاری بكرێ 

خوالێخۆشبوو جه‌نابی سه‌رۆك مام جلال له‌ساڵی 1988 له‌ گه‌رمه‌ی ئه‌نفال و بێهیوایدا له‌ گه‌له‌كۆمه‌كه‌یه‌كی نێوده‌وڵتیدا دژی كورد له‌ دیمانه‌یه‌كدا له‌گه‌ڵ هه‌ڤاڵ كاك عمر شێخ موس , ئاماژه‌ی به‌ لامه‌ركه‌زی داوه‌ .

له‌ نامیلكه‌ی  ڕامانی مام لاپه‌ره‌ی (99)بۆ (100) ئه‌م ئاماژه‌یه‌ به‌ ڕون و ئاشكراو شیكراوه‌یی ده‌بینی ئه‌وه‌ بڕوای ته‌واوی بنه‌ڕه‌تی  ی.ن.ك  له‌سه‌ر دامه‌زراوه‌ی لامه‌ركه‌زی بۆ هه‌رێمی كوردستان له‌ زاری سه‌ركرده‌ی گه‌وره‌ی كورد و سكرتێری پێشووی یه‌كێتی نیشتیمانی كوردستان دوای كۆنگره‌ی چوار یه‌كێتی باشتر له‌ جاران بۆته‌ ڕێبواری ڕێبازه‌ پیرۆزه‌كه‌ی هه‌ڤاڵی نه‌مر و هه‌میشه‌ زیندو سه‌رۆك ( مام جه‌لال ) ..

هه‌ڤاڵانی به‌ڕێز هاوسه‌رۆكانی یه‌كێتیی نبشتیمانیی كوردستان هه‌مان ڕێچكه‌ و ڕێبازیان گرتۆته‌ به‌ر بۆ لامه‌ركه‌زی به‌ڕێوه‌بردن و – دارایی هه‌رێم..

PUKmedia عه‌بدوڵڵا حاجی سه‌عید