نرخی دۆلار بەرزتر دەبێتەوە

.

ئەمڕۆ چوار شەممە 20-1-2021، نرخی هەر 100 دۆلارێكی ئەمریكی لە بازاڕەكانی هەرێمی كوردستان گەیشتە 145هەزار 850 دیناری عیراقی.

لەوبارەیەوە شوان هادی خاوەنی نووسینگەی یۆرۆ لە بازاڕی دۆلارەكەی سلێمانی تایبەت بە PUKmedia ی راگەیاند: ئەمڕۆ نرخی دۆلار بەرزبوونەوەی بە خۆوە بینیووە و لە ئێستادا بەهای 100 دۆلاری ئەمریكی لە بازاڕەكانی هەرێمی كوردستان 145 هەزار و 850 دینارە و بەراورد بە دوێنێ 750 دیناری عیراقی بەرزبووەتەوە.

وتیشی: ئەمڕۆ بەهای یۆرۆ 176 هەزار و 500 دینار و بەهای پاوەند 197 هەزار و 500 دینار و لیرەی توركی 19 هەزار و 500 دینار و تمەنی ئێرانی 6 هەزار و 750 دینارە.

ئەمە لە كاتێكدایە ماوەی زیاتر لە مانگێكە نرخی دراوەكان بەگشتی و دۆلار بە تایبەتی لە بازاڕەكانی عیراق و هەرێم جێگیر نییە و لە بەرزبوونەوەدایە، هۆكارەكەشی بۆ پڕكردنەوەی كۆرتهێنانی بودجەی ساڵی 2021 دەگەڕێنرێتەوە.

PUKmedia ژینەر محەمەد