وته‌بێژی حكومه‌ت: پشتگیری كاره‌كانی كۆمسیۆن ده‌كه‌ین

.

وته‌بێژی ره‌سمی حكومه‌تی عیراق ئاشكرایكرد: كۆمسیۆنی باڵای سه‌رزبه‌خۆی هه‌ڵبژاردنه‌كان بۆ هاوكاری ته‌كنیكی داوای دواخستنی هه‌ڵبژاردنی پێشوه‌ختی له‌ ئه‌نجومه‌نی وه‌زیران كردووه‌.

 ئێواره‌ی ئه‌مڕۆ 19-1-2021، حه‌سه‌ن نازم وته‌بێژی ره‌سمی حكومه‌تی عیراق له‌ كۆنگره‌یه‌كی رۆژنامه‌نووسیدا له‌ شاری به‌غدا رایگه‌یاند: دواخستنی واده‌ی هه‌ڵبژاردنی پێشوه‌خت به‌لای حكومه‌ته‌وه‌ بابه‌تێكی هه‌ستیاره‌، بۆیه‌ گفتوگۆی ته‌واوی له‌سه‌ر كراوه‌.

 وتیشی: كۆمسیۆنی باڵای هه‌ڵبژاردنه‌كانی عیراق بۆ هاوكاری ته‌كنیكی داوای دواخستنی هه‌ڵبژاردنی پێشوه‌ختی كردووه‌، بۆیه‌ وه‌ك حكومه‌ت كاری جددی ده‌كه‌ین بۆ هاوكاری و پشتگیركردنی كۆمسیۆن بۆ سه‌رخستنی هه‌ڵبژاردنه‌كان به‌شێوه‌یه‌كی پاك و بێگه‌رد.

ئاماژه‌ی به‌وه‌شدا، له‌ كۆبوونه‌وه‌ی ئه‌مڕۆی ئه‌نجومه‌نی وه‌زیراندا دوای گفتوگۆیه‌كی زۆر بڕیاری دواخستنی واده‌ی هه‌ڵبژاردنی پێشوه‌خت درا، كه‌ بڕیاردرا ئه‌نجامدانی هه‌ڵبژاردنه‌كه‌ بخرێته‌ رۆژی 10ی تشرینی یه‌كه‌می 2021.

PUKmedia