لەبانكێكی بەغدا زیاتر لەملیارێك دینار دەدزرێت

.

لەبانكێكی بەغدا زیاتر لە ملیارێك دینار دزراو باندێكیش دەستگیركراون و دەستیش بەسەر پارەكەدا گیراوە.

وەزارەتی ناوخۆی عیراق لە راگەیەنراوێكیدا كە ئەمڕۆ 18ی 1ی 2021 بڵاویكردەوەتەوە ئاماژەی بەوەداوە: بەفەرمانی وەزیری ناوخۆ بەڕێوەبەرایەتی نەهێشتنی تاوان لەبەغدا توانییان باندێكی دزیكردن دەستگیر بكەن كە لەچەند پیاو و ژنێك پێكهاتبوون و بڕی ملیارێك و 350 ملیۆن دیناریان لە بانكێكی وەبەرهێنان لەیەكێك لەكۆلێجە تایبەتەكان دزیوە.

ئەوەشی خستوەتەڕوو: لەشوێنی رووداوەكە تیمەكانیان توانیویانە زانیارییان لەسەر تۆمەتبار (م. ز. ا) دەستبكەوێت و لەڕێگەیەوە توانیویانە دەستیان بگات بە سەرجەم تۆمەتباران و دەستگیرییان بكەن و دەستیشیان گرتووە بەسەر تەواوی پارە دزراوەكەداو پەڕەی لێكۆڵینەوەش بۆ تۆمەتباران كراوەتەوەو رەوانەی دادگا كراون تا سزای خۆیان وەربگرن.

PUKmedia ئاژانسەكان