‎یەكێتی ڕێز لە نووسەرو ڕۆشنبیرانی هەولێر دەگرێت

.

‎سەرلەبەیانی ئەمڕۆ دووشەممە ١٨-١-٢٠٢١ لەبارەگای مەكتەبی سیاسی لەشاری هەولێر، دەرباز كۆسرەت ڕەسول كارگێڕی مەكتەبی سیاسی یەكێتی نیشتمانی كوردستان بە ئامادەبوونی دكتۆر میران محەمەد ئەندامی مەكتەبی سیاسی و حاجی مەسیفی و فەهمی بوڕهان ئەندامانی سەركردایەتی ئامادەی بوون مەراسیمێكی ڕێزلێنانی بۆ ژمارەیەك نووسەرو ڕۆشنبیری هەولێر ڕێكخست.

‎لە سەرەتای مەراسیمەكەدا دەرباز كۆسرەت ڕەسول وتەیەكی پێشكەش كردو باسی لە گرنگی ڕۆڵی نووسەران و ڕۆشنبیرانی هەولێر كردو دووپاتی كردەوە كە لەڕابردوودا ڕۆڵێكی گەورەو دیاریان هەبووە و هەمیشەش یەكێتی پشتیوان و پاڵپشتی نووسەران بووەو زەمینەی لەباری بۆ ڕەخساندوون.

‎دەرباز كۆسرەت ڕەسول گوتیشی ئەو مەراسیمی ڕێزلێنانە خزمەتێكی بچووكی یەكێتیە بۆ نووسەران و ڕۆشنبیران و لە داهاتووش بەردەوام دەبن.

‎لە بەشێكی تری مەراسیمەكەدا دكتۆر میران محەمەد لێپرسراوی مەكتەبی ڕێكخراوە دیموكراتییەكان وتەیەكی پێشكەشی ئامادەبووان كردو تەواوی پشتیوانی و پاڵپشتی یەكێتی نیشتمانی كوردستانی بۆ نووسەران و ڕۆشنبیران دووپات كردەوە.

‎لەكۆتایی مەراسیمەكەدا بڕوانامەی ڕێزلێنان لە ئەزموون و ڕابردووی ڕۆشنبیران و نووسەران پێشكەشی ئامادەبووان كرا.

PUKmedia