لاهور شێخ جه‌نگی: چاوه‌ڕوانی حكومه‌تین بۆ جێبه‌جێ كردنی لامه‌ركه‌زی

لاهور شێخ جه‌نگی: چاوه‌ڕوانی حكومه‌تین بۆ جێبه‌جێ كردنی لامه‌ركه‌زی


17/1/2021 21:48:00
چاپ کردن
بە وێنەوە    بە بێ وێنە
           
.

لاهور شێخ جه‌نگی له‌ ڕێگه‌ی ڤیدیۆكۆنفرانسه‌وه‌ له‌گه‌ڵ نوێنه‌رانی یه‌كێتیی له‌ وڵاتانی ده‌ره‌وه‌ كۆبووه‌وه‌.

ئێواره‌ی ئه‌مڕۆ یه‌كشه‌ممه‌ ١٧ـی١ـی٢٠٢١، لاهور شێخ جه‌نگی هاوسه‌رۆكی یه‌كێتیی نیشتیمانیی كوردستان له‌ ڕێگه‌ی ڤیدیۆكۆنفرانسه‌وه‌ به‌شداریی كۆنفرانسی مه‌كته‌بی په‌یوه‌ندییه‌كانی یه‌كێتیی نیشتیمانیی كوردستانی كردو له‌گه‌ڵ نوێنه‌رانی یه‌كێتی له‌وڵاتانی ده‌ره‌وه‌ كۆبووه‌وه‌.

له‌و ڤیدیۆكۆنفرانسه‌كه‌دا كه‌ هه‌ریه‌ك له‌ دكتۆر سۆران جه‌مال تاهیر لێپرسراوی مه‌كته‌بی په‌یوه‌ندییه‌كان و سه‌ركه‌وت محه‌مه‌د غه‌فور لێپرسراوی بۆردی په‌یوه‌ندییه‌كانی ده‌ره‌وه‌و فریاڵ عه‌بدوڵڵا لێپرسراوی بۆردی په‌یوه‌ندییه‌ هه‌رێمایه‌تییه‌كان و نوێنه‌رانی یه‌كێتی له‌ وڵاتانی ده‌ره‌وه‌ ئاماده‌یبوون، گفتوگۆ كرا ده‌رباره‌ی دواین گۆڕانكاری و پێشهاته‌كانی هه‌رێمی كوردستان و عێراق و ناوچه‌كه‌ و ڕۆڵی یه‌كێتیی نیشتیمانیی كوردستان له‌ هاوكێشه‌ سیاسییه‌كاندا.

له‌ سه‌ره‌تای ڤیدیۆكۆنفرانسه‌كه‌دا لاهور شێخ جه‌نگی وته‌یه‌كی پێشكه‌ش كردو تیایدا به‌رچاوڕوونیدا به‌ هه‌ڤاڵانی نوێنه‌رایه‌تییه‌كانی ده‌ره‌وه‌ له‌ باره‌ی شێوازی كاری حزبی له‌ دوای كۆنگره‌ی چواره‌م و ڕۆڵ و پێگه‌ی یه‌كێتیی بۆ چاره‌سه‌ركردنی كێشه‌كان و خزمه‌تكردنی كۆمه‌ڵانی خه‌ڵكی كوردستان.

لاهور شێخ جه‌نگی ئاماژه‌ی بۆ دۆخی كۆرۆنا كردو ڕایگه‌یاند، له‌ دوای  كۆنگره‌ كۆرۆنا ڕێگر بووه‌ له‌ ئه‌نجامدانی كار و چالاكییه‌ حزببیه‌كان، به‌ڵام یه‌كێتی له‌و دۆخه‌شدا ده‌سته‌وه‌ستان نه‌بووه‌ و له‌ سۆنگه‌ی په‌رۆشیمان بۆ میلله‌ته‌كه‌مان و له‌كاتی كه‌ره‌نتینه‌دا ده‌ستمانكرد به‌ هاوكاریكردنی نه‌خۆشخانه‌كان و پێشكه‌شكردنی ده‌رمان و كۆمه‌كی پزیشكی و دروستكردنی نه‌خۆشخانه‌ له‌ چه‌ند شار و شارۆچكه‌یه‌كی هه‌رێمی كوردستان.

لاهور شێخ جه‌نگی باسی له‌ هه‌وڵه‌كانی یه‌كێتی كرد بۆ چاره‌سه‌ركردنی كێشه‌كان له‌ سه‌ر ئاستی هه‌رێم و عیراق و پێداگریی یه‌كێتی دوپاتكرده‌وه‌ له‌سه‌ر گرنگی جێبه‌جێكردنی سیستمی لامه‌ركه‌زیی بۆ پێشكه‌شكردنی خزمه‌تگوزارییه‌كان به‌ هاووڵاتییان و ڕایگه‌یاند، له‌ چوارچێوه‌ی ڕێككه‌وتنی نێوانمان له‌گه‌ڵ پارتی دیموكراتی كوردستان چاوه‌ڕوانی حكومه‌تی هه‌رێمی كوردستانین بۆ جێبه‌جێكردنی لامه‌ركه‌زیی دارایی و كارگێڕیی له‌ هه‌موو پارێزگاكانی هه‌رێم.

ئاماژه‌شیكرد به‌ سه‌ردانه‌كانی بۆ به‌غدا و دیدار و كۆبوونه‌وه‌كانی وه‌فدی یه‌كێتیی له‌گه‌ڵ لایه‌نه‌ سیاسییه‌كانی عێراق له‌ پێناو چاره‌سه‌ركردنی كێشه‌كان و به‌ده‌ستهێنانی ڕه‌زامه‌ندیی لایه‌نه‌كان و حكومه‌تی فیدراڵی بۆ دابینكردنی شایسته‌ داراییه‌كانی هه‌رێم و تێپه‌ڕاندنی پشكی هه‌رێم له‌ پڕۆژه‌یاسای بودجه‌ی گشتیی عێراق بۆ ساڵی ٢٠٢١.

له‌ ته‌وه‌رێكی تری وته‌كانیدا لاهور شێخ جه‌نگی پلان و به‌رنامه‌ی داهاتووی یه‌كێتی بۆ هه‌ڤاڵان له‌ نوێنه‌رایه‌تییه‌كانی ده‌ره‌وه‌ ڕوونكرده‌وه‌، هاوكات سوپاسیكردن كه‌ دڵسۆزانه‌ ئه‌ركه‌كانیان جێبه‌جێكردوه‌ و داواشی لێكردن كه‌ خۆیان ساز و ئاماده‌ بكه‌ن بۆ داهاتوو به‌ گیانێكی یه‌كێتییانه‌ كار بكه‌ن بۆ خزمه‌تكردنی ڕه‌وه‌ندی كوردی له‌ ده‌ره‌وه‌.

له‌كۆتاییدا نوێنه‌رانی یه‌كێتیی له‌ وڵاتانی ده‌ره‌وه‌ باسیان له‌ كار و چالاكییه‌كانیان كرد و سه‌رنج و تێبینییه‌كانی خۆیان خسته‌ ڕوو، سوپاسی لاهور شێخ جه‌نگییان كرد كه‌ ڕاشكاوانه‌ بابه‌ته‌كانی بۆ ڕوونكردنه‌وه‌. هاوكات پرسیار و داواكارییه‌كانیان ئاڕاسته‌ كرد و به‌ گرنگییه‌وه‌ له‌ لایه‌ن هاوسه‌رۆكه‌وه‌ وه‌ڵام درانه‌وه‌.


PUKmedia تایبه‌ت

وێنە هەواڵ
  • image04
  • 33 ساڵ بە سەر یەكەم قۆناغی شاڵاوی ئەنفالدا تێدەپەڕێت

  • image04
  • ساڵیادی شه‌هیدی میحراب له‌ سلێمانی

  • image04
  • هاوسه‌رۆكانی یه‌كێتی: به‌رژه‌وه‌ندی كه‌سی و ململانێ سیاسییه‌كان وه‌لابنرێن

  • image04
  • عەمار حەكیم سەرۆكی رەوتی حیكمەی نیشتمانی لەسەر مەزاری مام

  • image04
  • عەمار حەکیم چی بۆ سەرۆک مام جەلال نووسی؟

  • image04
  • کوردێک ئامێرێکی تێکەڵەی ڤایۆلین و کەمانچەی کوردی بەرهەمدەهێنێت

  • image04
  • سه‌رۆك مام جه‌لال و خاتوو هێرۆ ئیبراهیم ئه‌حمه‌د- ئه‌مریكا

  • image04
  • شەختە لە شێوەی باڵندە


                                           

نەرویج.. لەمەراسیمێکدا تەرمی پێشمەرگەیەکی دێرین بەخاک دەسپێردرێت


ئەمڕۆ هەینی ١٩ی شوبات تەرمی دکتۆر شەهاب وەهاب ڕۆستەم لە رێوڕەسمێکدا لە گۆڕستانی ئەلفاسیت لە ئالنەبرۆ بە ئامادەبوونی خانەوادەو هاوڕی و هاوسەنگەرانی و نوێنەری چەندین پارت و ڕێکخراو کەسا...


  تێكۆشه‌رێكی دێرین یه‌كێتی كۆچی دوایی كرد
  ئه‌ڵمانیا.. چله‌ی ماته‌مینی شیهاب عوسمان به‌ڕێوه‌چوو
                                           

درۆی لامه‌ركه‌زی له‌كابینه‌ی نۆدا


رێكه‌وت زه‌كی ئه‌ندامی ئه‌نجومه‌نی پارێزگای سلێمانی له‌چاوپێكه‌وتنێكدا بۆ PUKmedia وتی: لامه‌كه‌رزی ئیدار...


  پسپۆڕێكی ئابووری له‌باره‌ی گۆڕینه‌وه‌ی دۆلار ئامۆژگاری هاووڵاتیان ده‌كات
  كاریگه‌ری شه‌ڕی عیراق-ئێران له‌سه‌ر گونده‌كان ماوه‌
                                           

وتەبێژی حكومەت: وەزارەتی دارایی سەرپشككراوە بڕی لێبڕینی مووچە دیاریبكات

وتەبێژی حكومەت رایگەیاند: دابەشكردنی مووچە بەپێی ئەو داهاتە دەبێت كە لەبەردەستی حكومەتەو وەزارەتی دارایی سەرپشكە لەوەی بەپێی داهاتەكە لێبڕینەكە دیاری بك...


  په‌روین بابه‌كر ژنێكی ڕێچكه‌ شكێن له‌ مێژووی خه‌باتی ژنانی كوردستاندا
  سكرتێری لقی هه‌ولێری سه‌ندیكای رۆژنامه‌نووسان: ئاگاداری سیاسه‌تی سه‌ندیكاكه‌ نین


کاریکاتێر