UN لێپرسراوێكی نوێ بۆ چاودێریكردنی هه‌ڵبژاردن له‌عیراق دیاریده‌كات

.

ڕێكخراوی نه‌ته‌وه‌ یه‌كگرتووه‌كان لێپرسراوێكی نوێی بۆ سه‌رپه‌رشتی و چاودێریكردنی پرسی هه‌ڵبژاردنه‌كان له‌ عیراق، دیاریكرد.

ئه‌نتۆنیۆ گۆتیرێس ئه‌مینداری گشتی ڕێكخراوی نه‌ته‌وه‌ یه‌كگرتووه‌كان، رایگه‌یاند: ئینگیبیۆرگ سۆلرۆن وه‌ك جێگری نوێی سه‌رۆكی نێرده‌ی نه‌ته‌وه‌ یه‌كگرتووه‌كان له‌ عیراق بۆ كاروباری سیاسی و هه‌ڵبژاردنه‌كان، ده‌ستنیشان كردووه‌.

به‌پێی ڕاگه‌یانراوێكی ڕێكخراوی نه‌ته‌وه‌ یه‌كگرتووه‌كان، ئینگیبیۆرگ سۆلرۆن له‌ كۆتایی مانگی شوباتی داهاتوو له‌ به‌غدا، ده‌ستبه‌كار ده‌بێت.

پێشتریش، مسته‌فا كازمی سه‌رۆك وه‌زیرانی عیراق ڕایگه‌یاندبوو: هه‌ڵبژاردنی ئه‌نجومه‌نی نوێنه‌رانی عیراق، به‌ به‌شداری چاودێر و ڕێكخراوه‌ نێوده‌وڵه‌تییه‌كان، له‌ ٦ی حوزه‌یرانی داهاتوو، به‌ڕێوه‌ده‌چێت.

PUKmedia راگه‌یاندنه‌كانی عیراق