پەرلەمان بۆ گفتوگۆی پرۆژە یاسای بودجە كۆدەبێتەوە

.

پەرلەمانی عیراق بۆ گفتوگۆكردن لەبارەی پرۆژە یاسای بودجەی 2021 كۆدەبێتەوەو ئەندامێكی لیژنەی دارایش دەڵێت: لەكۆبوونەوەكەدا پەرلەمانتاران تێبینی و سەرنجی خۆیان لەبارەی پرۆژەكە دەخەنەڕوو، قۆناغی داهاتووش دەنگ لەسەر بودجە دەدرێت.

شیروان میرزا پەرلەمانتاری فراكسیۆنی یەكێتی لە لیژنەی دارایی ئەنجومەنی نوێنەرانی عیراق بە PUKmediaی راگەیاند: بڕیارە ئەمڕۆ 16ی 1ی 2021 ئەنجومەنی نوێنەران بۆ گفتوگۆكردن لەبارەی پرۆژە یاسای بودجەی 2021 كۆببێتەوە، چونكە پەرلەمان لەكۆبوونەوەكانی رابردویدا گفتوگۆی لەسەر ژمارەیەك ماددەو بڕگەی پرۆژە یاساكە كردوەو ئەمڕۆش گفتوگۆ لەسەر تەواوی مادەو بڕگەكانی تر دەكرێت. 

وتیشی: لەكۆبوونەوەكەدا هەموو پەرلەمانتاران تێبینی و سەرنجی خۆیان لەبارەی پرۆژەكە دەخەنەڕوو بەوەش خوێندنەوەی دووەم كۆتایی دێت و دوااتریش قۆناغی دەنگدان دەبێت لەسەر پرۆژە یاسای بودجەو پەسەندكردنی.

PUKmedia تایبەت