ئێوارەی ئەمڕۆ لەرێگەی نێوان هەڵەبجە – هەورامان ئۆتۆمبێلێك وەرگەڕاو ژنێك گیانیلەدەستدا.

مقەدەم بەرزان  عوسمان  محەمەد  وتەبێژی  بەڕێوەبەرایەتی  پولیسی  پارێزگای  هەڵەبجە رایگەیاندوە:" ئێوارەی ئەمڕۆ  هەینی لەئەنجامی  وەرگەڕانی ئوتومبێلێكی  جۆری جێب لیبرتی  لەسەر ڕێگای  هەڵەبجە - هەورامان نزیك بازگەی دەرەشیش   ژنێك  بەناوی  (س ع  س )  تەمەن 23ساڵان كە دانیشتوی  پارێزگای سلێمانی گەڕەكی  فەرمانبەرانە    گیانی لەدەستدا.

وتیشی:"   پینج سەرنشینی تریش  برینداربوون، بەهۆی سەختی برینی دووانیان رەوانەی نەخۆشخانەی فریاكەوتنی سلێمانی كران".

جەختیكردەوە:" تەرمی  ژنەكە ڕەوانەی  پزیشكی  دادی  پارێزگای  هەڵەبجە  كراوەو   شۆفێری ئوتومبیلە كە بەبڕیاری دادوەری لێكۆڵینەوە  بەپێ  مادەی   24هاتوچۆ  بەند  كراوە".

PUKmedia داڕشتنەوە