نوێنه‌رێك: له‌سبه‌ینێوه‌ كاری لیژنه‌ لاوه‌كییه‌كان له‌سه‌ر بودجه‌ ده‌ستپێده‌كات

.

لیژنه‌ لاوه‌كییه‌كانی ئه‌نجومه‌نی نوێنه‌ران به‌رده‌وامن له‌ گفتوگۆكانیان له‌سه‌ر پڕۆژه‌ یاسای بودجه‌ی گشتی 2021 له‌گه‌ڵ وه‌زاره‌ته‌كان و لایه‌نی حكومی تایبه‌ت به‌و پرسه‌.

شیروان میرزا ئه‌ندامی لیژنه‌ی دارایی له‌ ئه‌نجومه‌نی نوێنه‌رانی عیراق به‌ PUKmedia ی راگه‌یاند: لیژنه‌ی دارایی به‌رده‌وامه‌ له‌ گفتوگۆكردن له‌سه‌ر مادده‌و به‌نده‌كانی پڕۆژه‌ یاسای بودجه‌ی فیدراڵی 2021 .

راشیگه‌یاند: له‌ ئێستادا لیژنه‌ی دارایی چه‌ند لیژنه‌یه‌كی لاوه‌كی پێكهێناوه‌ كه‌ له‌گه‌ڵ وه‌زاره‌ته‌كان و ده‌سته‌و لایه‌نه‌كانی تری حكومه‌ت و پارێزگاكان ده‌ست ده‌كات به‌ گفتوگۆكردن له‌سه‌ر مادده‌و به‌نده‌كانی پڕۆژه‌ یاسای بودجه‌و رێژه‌ی ته‌رخانكراوی بودجه‌ی پێویست بۆ سێكته‌ره‌ جیاوازه‌كان.

وتیشی: لیژنه‌ لاوه‌كییه‌كان له‌ سبه‌ینێ شه‌ممه‌ 16-1-2021، ه‌وه‌ كاره‌كانیان ده‌ستپێده‌كه‌ن، لیژنه‌ی دارایش گفتوگۆكانی به‌رده‌وام ده‌بێت له‌سه‌ر كۆی مادده‌كانی پڕۆژه‌ یاساكه‌.

PUKmedia تایبه‌ت