به‌ھۆی نه‌مانی خواردن چه‌ند كه‌سێك له‌ ھه‌ولێر چێشتخانه‌یه‌ك و چایخانه‌یه‌ك ده‌ده‌نه‌ به‌ر ده‌سڕێژی گولـله‌.

سه‌رچاوه‌یه‌كی نتایبه‌ت به‌ PUKmedia ی راگه‌یاند: به‌ره‌به‌یانی ئه‌مڕۆ 15-1-2021، له‌ ھه‌ولێر دوای ئه‌وه‌ی چه‌ند كه‌سێك ده‌چنه‌ چێشتخانه‌یه‌ك و داوای خواردن ده‌كه‌ن و پێیان ده‌وترێت خواردن نه‌ماوه‌، له‌گه‌ڵ خاوه‌نی چێشتخانه‌كه‌ ده‌بێته‌ شه‌ڕیان، دواتر شوێنه‌كه‌ به‌جێده‌ھێڵن، به‌ڵام جارێكی تر ده‌گه‌ڕێنه‌وه‌ بۆ شوێنه‌كه‌ و چێشتخانه‌كه‌ ده‌ده‌نه‌ به‌ر ده‌سڕێژی گولـله‌و به‌ھۆیه‌وه‌ چایخانه‌ و چێشتخانه‌یه‌كی تریش فیشه‌كیان به‌رده‌كه‌وێت زیانێكی زۆری ماددی لێده‌كه‌وێته‌وه‌.

خاوه‌نی چێشتخانه‌كه‌ رایگه‌یاندووه‌،  سه‌ره‌تا یه‌كێك له‌و كه‌سانه‌ چه‌كی ڕاكێشا، به‌ڵام ده‌ستیمان گرت و نه‌مانهێشت ته‌قه‌ بكات، ڕۆشتن وتیان ده‌چین چه‌ك ده‌هێنین و ئێمه‌ش چووین له‌ پۆلیس سكاڵامان تۆماركرد، دوای كه‌مێك گه‌ڕانه‌وه‌ و زیاتر له‌ 500 فیشه‌كیان به‌ سێ چێشتخانه‌ی ته‌نیشت یه‌كه‌وه‌ ناوه‌ و هه‌ڵهاتوون، به‌هۆی ئه‌وه‌ی كه‌س له‌ چێشتخانه‌كاندا نه‌بووه‌ و زیانی گیانی نه‌بووه‌، ئه‌گه‌ر خه‌ڵكی تێدا بووایه‌ چه‌ندین كه‌س ده‌كوژران.

PUKmedia تایبه‌ت