قوباد تاڵەبانی پەیامێک ئاڕاستەی د.جوان ئیحسان دەکات

.

قوباد تاڵەبانی جێگری سەرۆکی ئەنجومەنی وەزیرانی ھەرێم پەیامێک ئاڕاستەی د.جوان ئیحسان دەکات و دەڵێت،" جەنابت نموونەیەکی جوانی پەرلەمانتاری و دیپلۆماسییەتت نیشانداوە و لە ھەر کوێیەک بوویت رێزی یار و نەیارت بەدەست ھێناوە".

دەقی پەیامەکە..

ھەڤاڵ و ھاوڕێی بەڕێزم دکتۆرە جوان ئیحسان ‏‎

لەماوەی کارکردنتان وەک سەرۆکی فراکسیۆنی یەکێتی لە ئەنجومەنی نوێنەرانی عێراق، ئەزموونێکی نایابتان پێشکەش کرد.

روونە کە چ رۆڵێکی گرنگتان بینیوە لەڕاگرتنی ھاوسەنگی و چۆنییەتی مامەڵەکردن لەگەڵ پرسە چارەنووسسازەکان و بەرگریکردن لە مافەکانی کۆمەڵانی خەڵکی کوردستان لە بەغدا. ‏‎

جەنابت نموونەیەکی جوانی پەرلەمانتاری و دیپلۆماسییەتت نیشانداوە و لە ھەر کوێیەک بوویت رێزی یار و نەیارت بەدەست ھێناوە.

دڵنیام چۆن لە رابردوودا وەک سەرۆکی فراکسیۆنی یەکێتی سەرکەوتوو بوویت، لە داھاتووشدا ھەر سەرکەوتوو دەبیت و لە ھەر پلە و پۆستێکدا بیت بۆ خزمەت و چاکەی گشتی بەکاریدەھێنیت.

لەگەڵ رێزی بێپایانم

برات قوباد تاڵەبانی

PUKmedia