ده‌سته‌ی ته‌ندروستی ئیداره‌ی خۆبه‌ڕێوه‌به‌ری له‌ باكوور و رۆژهه‌ڵاتی سوریا، ئه‌مڕۆ پێنجشه‌ممه‌ 14ی كانوونی دووه‌م، رایگه‌یاند: له‌ماوه‌ی 24 سه‌عاتی رابردوودا  29 حاڵه‌تی نوێی توشبوون به‌ڤایرۆسی كۆرۆنا تۆماركراون.

به‌گوێره‌ی راگه‌یه‌نراوی ده‌سته‌ی ته‌ندروستی كه‌ وێنه‌یه‌كی ده‌ستی PUKmedia كه‌وتووه‌، ئاماژه‌ دراوه‌ به‌ حاڵه‌ته‌كانی توشبوون كه‌ به‌م شێوه‌یه‌یه‌: حه‌سه‌كه‌ 7، قامیشلۆ 1، دێرك 8، كه‌ركی له‌كی 1، و كۆبانێ 3 حاڵه‌ت.

هه‌روه‌ها له‌و ناوچانه‌شی كه‌ له‌ژێر ده‌سه‌ڵاتی هێزه‌كانی سوریای دیموكراتیدان، حاڵه‌ته‌كانی توشبوون به‌م شێوه‌یه‌ بووه‌: ره‌قه‌ 8 حاڵه‌ت، ته‌بقه‌ 4، شه‌هبا 1.
هه‌ر به‌گوێره‌ی راگه‌یه‌نراوه‌كه‌، له‌ماوه‌ی 24 سه‌عاتی رابردوودا هیچ حاڵه‌تێكی گیانله‌ده‌ستدان تۆمارنه‌كراوه‌، 2 حاڵه‌تی چاكبوونه‌وه‌ش تۆماركراون.

جێی ئاماژه‌یه‌، له‌ڕۆژی بڵاوبوونه‌وه‌ی ڤایرۆسه‌كه‌وه‌، كۆی حاڵه‌ته‌كانی توشبوون له‌ باكوور و رۆژهه‌ڵاتی سوریا گه‌یشتۆته‌ 8314 حاڵه‌ت، و 284 كه‌سیش گیانیان له‌ده‌ستداوه‌، و 1172 كه‌سیش چاكبوونه‌ته‌وه‌.

PUKmedia ده‌سته‌ی ته‌ندروستی له‌ رۆژئاوای كوردستان