په‌روه‌رده‌ی هه‌رێم پلانی خوێندنی ئه‌مساڵ بڵاوده‌كاته‌وه‌

.

وه‌زاره‌تی په‌روه‌رده‌ی حكومه‌تی هه‌رێمی كوردستان پلانی په‌سه‌ندكراوی وه‌زاره‌ته‌كه‌یان بۆ خوێندنی ئه‌مساڵ بڵاوكرده‌وه‌ كه‌ له‌ كۆبونه‌وه‌ی دوێنێی لیژنه‌ی باڵای به‌ره‌نگاربوونه‌وه‌ی ڤایرۆسی كۆرۆنا په‌سه‌ندكراوه‌.

به‌پێی بڕیاره‌كه‌ی لیژنه‌ی باڵای به‌ره‌نگاربوونه‌وه‌ی ڤایرۆسی كۆرۆنا له‌ڕۆژی شه‌ممه‌ 16ی ئه‌م مانگه‌ ده‌ستپێكردنه‌وه‌ی خوێندن له‌قۆناغی 12ی ئاماده‌یی له‌ناو پۆل ده‌ست پێده‌كات، رۆژی 1ی ئازاریش قۆناغه‌كانی دیكه‌ ده‌ست پێده‌كاته‌وه‌، هه‌ر ئه‌مڕۆش له‌ نوسراوێكی وه‌زاره‌تی په‌روه‌رده‌ی هه‌رێمی كوردستان كه‌ ئیمزای د. ئالان حه‌مه‌سه‌عید وه‌زیری په‌روه‌رده‌ی حكومه‌تی هه‌رێمی له‌سه‌ره‌، چۆنێتی ده‌وامكردن و ساڵنامه‌ی تاقیكردنه‌وه‌كان بۆ ساڵی 2020-2021، ئاڕاسته‌ی سه‌رجه‌م به‌ڕێوه‌به‌رایه‌تییه‌ گشتییه‌كانی په‌روه‌رده‌كانی( هه‌ولێر، سلێمانی، دهۆك، هه‌ڵه‌بجه‌، ئیداره‌ی گه‌رمیان) كراوه‌، كه‌ به‌پێی خشته‌یه‌كی هاوپێچی نوسراوه‌كه‌ چۆنێتی ده‌ستپێكردنه‌وه‌ی پرۆسه‌ی خوێندن و كاته‌كانی تاقیكردنه‌وه‌ی خوێندنگه‌و په‌یمانگا "حكومی و ناحكومییه‌كانی" تێدا بڵاوكراوه‌ته‌وه‌.

PUKmedia وه‌زاره‌تی په‌روه‌رده‌ی هه‌رێم