دارایی نوێنه‌ران: له‌بودجه‌ی 2021 كار بۆ كه‌مكردنه‌وه‌ی خه‌رجیه‌ ناپێویسته‌كان ده‌كرێت

.

لیژنه‌ی دارایی په‌رله‌مانی عیراق، ئه‌مڕۆ پێنجشه‌ممه‌ 14ی كانوونی دووه‌م جه‌ختیكرده‌وه‌، كار بۆ كه‌مكردنه‌وه‌ی سه‌رجه‌م خه‌رجییه‌ ناپێویسته‌كان له‌ بودجه‌ی ساڵی 2021دا ده‌كه‌ن.

ئه‌نجومه‌نی نوێنه‌ران له‌به‌یاننامه‌یه‌كدا ئه‌وه‌شی راگه‌یاند: لیژنه‌یه‌كی لاوه‌كی له‌ لیژنه‌ی دارایی، ئه‌مڕۆ پێنجشه‌ممه‌ 14-1-2021، میواندارییان كرد له‌ به‌ڕێوه‌به‌ری گشتی فه‌رمانگه‌ی دارایی له‌سه‌رۆكایه‌تی كۆمار و گفتۆگۆكرا له‌باره‌ی ئه‌و پاره‌یه‌ی كه‌ له‌ ناو پرۆژه‌ یاسای بودجه‌ی گشتی فیدڕاڵی ساڵی 2021دا بۆ فه‌رمانگه‌كه‌یان ته‌رخان كراوه‌.

به‌یاننامه‌كه‌ له‌زاری لیژنه‌كه‌وه‌ ئه‌وه‌شی دووپاتكرده‌وه‌ كه‌ كار بۆئه‌وه‌ ده‌كه‌ن سه‌رجه‌م خه‌رجییه‌ ناپێویسته‌كان له‌ بودجه‌دا كه‌مبكرێته‌وه‌، وه‌ك كڕینی كه‌لوپه‌لی ناوماڵ و ئوتومبێل، پێویسته‌ پاره‌ له‌ پێداویستییه‌ سه‌ره‌كییه‌كاندا خه‌رج بكرێت.

PUKmedia راگه‌یاندنی ئه‌نجومه‌نی نوێنه‌ران