زۆرن ئه‌و كه‌سانه‌ی ده‌یانه‌وێت له‌ رێی ھه‌ر شتێكه‌وه‌بێت دڵی به‌رامبه‌ره‌كه‌یان خۆشبكه‌ن، سۆران  تاھیر ره‌فیق یه‌كێكه‌ له‌و كه‌سانه‌، ئه‌و ته‌مه‌نی 27 ساڵانه‌ و ده‌روون زانه‌ ئه‌و  نه‌ ده‌لاكه و‌ نه‌ ئه‌و كاره‌شی كردووه‌، به‌ڵام به‌ ره‌نگ كردنی قژی منداڵه‌ ئاواره‌كان ده‌یه‌وێت دڵی ئه‌وان خۆش بكات و ماوه‌ی 2 ساڵه‌ ئه‌و پرۆژه‌یه‌ی راگه‌یاندووه‌".

ئه‌و ھه‌موو رۆژێك له‌چه‌ند شوێنێكی جیاواز منداڵه‌ ئاواره‌كان كۆده‌كاته‌وه‌و قژیان ره‌نگ ده‌كات".

به‌ وته‌ی زانایانی ده‌روون زانی گه‌ر ده‌ته‌وێت دڵت خۆش بێت ده‌بێت رۆژانه‌ 10 كه‌س بخه‌یته‌ پێكه‌نین، له‌م سۆنگه‌یه‌وه‌ سۆران ده‌یه‌وێت دڵی منداڵه‌كان خۆش بكات".

سۆران رۆژانه‌ سه‌ری 100 منداڵ ره‌نگ ده‌كات و وه‌ك خۆی ده‌ڵێت، منداڵی وا ھه‌یه‌ رۆژی چوار جار قژی ره‌نگ ده‌كات،  سۆران زۆر دڵی به‌ كاره‌كه‌ی خۆشه‌ كار بۆ ئه‌وه‌ش ده‌كات كه‌ فراوانتری بكات".

منداڵه‌ ئاواره‌كانیش به‌م كاره‌ دڵ خۆشن و ئه‌وان ھه‌موو رۆژێك داوا له‌ سۆران ده‌كه‌ن كه‌ قژیان بۆ ره‌نگ بكات و ئه‌وان به‌ قژی ره‌نگا و ره‌نگه‌وه‌ عه‌لاگه‌كانیان بفرۆشن، سۆران رۆژانه‌ له‌ سه‌عات 8 ی  به‌یانی بۆ 12 نیوه‌رۆ و دواتر له‌سه‌عات 2 پاشنیوه‌رۆ تاوه‌كو 5 ئێواره‌ كاره‌كه‌ی ده‌كات".

PUKmedia جه‌مال سه‌رگه‌تی