كاری رێكلامی هونەری كاریكاتێر
ئەدەب وهونەر 11:13 AM - 2021-01-14.
بەشی دووەم
رێكلام خۆی لە خۆیدا بۆتە شتێكی پێویست بۆ رۆژنامەگەریی، پشتگیرییەكی دارایی بۆ دابین دەكات بۆ بەردەوامبوون و پێشكەوتن، سەرەڕای بوونی تێبینیەكی زۆر لەسەر ئەو رێكلامانەی لە رۆژنامەكاندا بڵاودەكرێنەوە، بەڵام لە حاڵەتی پابەندبوونی وەشانكارەكانی رێكلامەكان بە ئیتیك و ڕەوشتی رێكلام، ئەم تێبینیانە راست نابن، بوونی رێكلام لە رۆژنامەكاندا بوونێكی شەرعیە، چونكە رۆژنامەگەریی ئامرازێكی پەیوەندی بنەڕەتییە لە نێوان مرۆڤاندا، بۆیە ئەوانەی ئەو كاڵا بازرگانیانە بەرهەمدێنن، مافی ئاگاداركردنەوەی خەڵكیشیان هەیە بەو كاڵایانەی كە بەكاریاندێنن، مافی رێكلام كردنیشیان هەیە بۆ كاڵاكانیان بۆ دۆزینەوەی رێگایەك بۆ بەكاربەران، لێرەشدا شوێنی ئەوە نیە باسی ئەو تێبینیانە بكەین كە لەسەر رێكلام لە رۆژنامەكاندا هەیە.
ئێمە لێرەدا بە شێوەیەكی سەرەكی باسی رێكلامی بازرگانیمان كرد لە نێو رێكلامەكاندا، چونكە رێكلامی بازرگانی بە بەراورد لەگەڵ هەموو جۆرەكانی تری رێكلامدا زیاتر پەیوەندیان بە رۆژنامەگەرییەوە هەیە، كە ئەگەر پشت بە رۆژنامەگەریشەوە ببەستن، ئەوا بە شێوەیەكی سادە دەبێت، زۆرجاریش هەر هەمان شێوازی بازرگانی دەبێت، بۆ نمونە رێكلامی شانۆیی لە رۆژنامەگەریدا ئەگەر بە شێوەی هەواڵ نەبێت، ئەوا جیاوازیەكی ئەوتۆی نابێت لەگەڵ رێكلامكردن بۆ كاڵایەك، ئامانج تێیدا برەودان و بازاڕگەرمییە بۆ شانۆكە، لە ڕێی بەكارهێنانی چەندین شێوازی جۆراوجۆرەوە، وەكو بەكارهێنانی پاڵەوانی شانۆكە و ناوی نووسەرەكە و سیفەت و چاكەكانی شانۆكە (كۆمیدی، گاڵتەجاڕی، رەخنەكاری، مێژوویی ..هتد)، بەمەش رێكلامەكە مەبەستی برەودانە بە فرۆشتنی پلیتی چوونەژوورەوە بۆ شانۆكە، بۆیە رێكلامێكی بازرگانیە، هەر رێكلامێكیش سیفەتی هەواڵی رۆژنامەوانی نەبێت، ئەوا رێكلامێكی بازرگانیە، تەنیا ئەگەر رێكلامێكی پزیشكی بۆ كوتان دژی نەخۆشیەك هەڵاوێژكەین، یان رێكلامی رێنماییەكانی خۆپاراستن لە نەخۆشیەكی دیاركراو، ئەمانە ناتوانرێت بە رێكلامی بازرگانی دابنرێن، چونكە بۆ برەودان و بازاڕگەرمی نیە، بەڵكو بۆ بانگهێشتكردن و ئاگاداركردنەوە و وریاكردنەوەیە، هیچ هۆیەكی بازرگانی یان وەبەرهێنانی لەدواوە نیە، هەتا ئەم جۆرە رێكلامانەش دەتوانین باسی ڕۆڵی كاریكاتێریان لە نێودا بكەین، چونكە لە ڕووی ناوەڕۆكەوە جیاوازی لەگەڵ رێكلامەكانی دیكەدا نیە، لە گەیشتن بە زۆرترین ژمارەی خوێنەرانەوە، لە ڕووی خواستیشەوە بۆ بەدیهێنانی كاریگەرییەكی زۆر، بۆیە بەكارهێنانی كاریكاتێر تێیدا زۆر پێویستە لە زۆر حاڵەتدا، لەبەر هەمان ئەو هۆیانەی كە پێشتر باسمان كرد لە رێكلامی بازرگانیدا، بۆیە پێمانوایە كە پێویست ناكات بە شێوەیەكی تایبەت قسە لەسەر رێكلامی پزیشكی و جۆرەكانی تری رێكلام كردندا بكەین، چونكە پێویستی بە كاریكاتێر لە هەموویاندا وەكو یەك وایە.
ئامادەكردنی/ هەندرێن خۆشناو
PUKmedia تایبەت
هەواڵی زیاتر
-
نوسینگەی مەکتەبی سیاسی لەبەغدا کرایەوە
08:08 PM - 2024-04-24 -
شاڵاو کۆسرەت رەسوڵ: یەکێتی ئامادەیە بۆ هەڵبژاردن
07:39 PM - 2024-04-24 -
ئاسایشی ههولێر گهنجێك دهكوژێت و بنهماڵهكهی داوای روونكردنهوه دهكهن
06:05 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
04:46 PM - 2024-04-24
ئەمانەش ببینە
کوردستان 05:13 PM - 2024-04-24 لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
خەڵاتی زێڕینی بلە بە 10 کەسایەتی نمونەیی بەخشرا
04:30 PM - 2024-04-23
زۆرترین خوێنراو
-
قوباد تاڵەبانی: هەر رۆژەی بیرخەرەوەی تاوانێکە
کوردستان 01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
کوردستان 01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
کوردستان 12:39 PM - 2024-04-24 -
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24 -
وەفدێکی حکومیی عیراق بەشداری ساڵیادی بۆردومانی قەڵادزێ دەکات
کوردستان 10:14 AM - 2024-04-24 -
نیو سەدە بەسەر بۆردومانکردنی قەڵادزێ و زانکۆی سلێمانیدا تێدەپەڕێت
کوردستان 09:14 AM - 2024-04-24 -
پرسەنامەی قوباد تاڵەبانی بۆ خانەوادەی شێخ محەمەد عەزیز رەسوڵ
پرسەنامە 09:16 PM - 2024-04-23 -
سەرۆک بافڵ بەشداری پرسەی هەڤاڵ عەلی شامار تێکۆشەری دێرین دەکات
کوردستان 07:37 PM - 2024-04-23