riklam

سه‌ردانی باڵیوزی ئه‌مریكا بۆ تایوان هه‌ڵده‌وه‌شێته‌وه‌

جیهان 10:04 PM - 2021-01-13
.

.

وه‌زاره‌تی ده‌ره‌وه‌ی ئه‌مریكا ڕایگه‌یاند، سه‌ردانێكی پلان بۆ داڕێژراو بۆ تایوان له‌لایه‌ن نێردراویی نه‌ته‌وه‌ یه‌كگرتووه‌كانه‌وه‌ هه‌ڵوه‌شایه‌وه‌ به‌ هۆی گواستنه‌وه‌ی سه‌رۆكایه‌تی داهاتوو.

كێڵی كرافت نێردراوی باڵای نه‌ته‌وه‌ یه‌كگرتووه‌كان وا بڕیار بوو ڕۆژی چوارشه‌مه‌ سه‌ردانی تایپی بكات پاش ئه‌وه‌ی واشنتۆن له‌ ناكاو كۆتایی به‌ به‌ربه‌ستی درێژخایه‌ن هێنا له‌سه‌ر په‌یوه‌ندی له‌گه‌ڵ به‌رپرسانی تایوان.  ئه‌و سه‌ردانه‌ پلان بۆ داڕێژراوه‌ی خاتوو كرافت باڵیۆزی ئه‌مریكا له‌ نه‌ته‌وه‌ یه‌كگرتووه‌كان ته‌نیا له‌ كۆتایی هه‌فته‌ی ڕابردوو ڕاگه‌یاندرا كه‌ چه‌ند ڕۆژێك پێش ده‌ستپێكردنی جۆ بایدنی سه‌رۆكی هه‌ڵبژێردراو بوو، كه‌ هه‌ندێك له‌ شیكه‌ره‌وه‌كان وه‌ك مه‌زادێكی دوا خوله‌كی له‌لایه‌ن ئیداره‌ی دۆناڵد ترامپ سه‌رۆكی ماوه‌ ته‌واو بوو بۆ  مۆركردنی پێگه‌ی خۆی له‌سه‌ر كێشه‌ی دڕكاوی تایوان دوای ساڵێك له‌ زۆربوونی گرژیی و ئاڵۆزیه‌كانی چین و ئه‌مریكا سه‌یركرا.

مایك پۆمپیۆ وه‌زیری ده‌ره‌وه‌ی ئه‌مریكا ڕۆژی سێشه‌مه‌ ڕایگه‌یاند، كه‌ هه‌موو گه‌شته‌كانی ئه‌م هه‌فته‌یه‌ هه‌ڵوه‌شێنراوه‌ته‌وه‌ له‌وانه‌ش گه‌شته‌كه‌ی خۆی بۆ ئه‌وروپا به‌هۆی ده‌ست به‌كار بوونی جۆ بایدن كه‌ وا بڕیاره‌ له‌ ٢٠ مانگ ده‌ستبه‌كار ببێت. حكومه‌تی تایوان له‌ هه‌ڵوه‌شاندنه‌وه‌ی سه‌ردانه‌كه‌ی باڵیۆزی ئه‌مریكا په‌شیمانی خۆی ده‌ربڕی و هاوكات له‌ به‌یاننامه‌یه‌كدا تێگه‌یشتن وڕێزگرتن  له‌ بڕیاره‌كه‌ خسته‌ڕوو،  سه‌رۆكایه‌تی دۆناڵد ترامپدا ئه‌مریكا په‌یوه‌ندی زۆر نزیكی له‌گه‌ڵ تایپی هه‌یه‌ كه‌ فرۆشتنی چه‌ك به‌رز ده‌كاته‌وه‌ و به‌رپرسانی باڵا ڕه‌وانه‌ی ئه‌و ناوچانه‌ ده‌كات سه‌ره‌ڕای هۆشداریه‌ تونده‌كانی چین كه‌ ڕایگه‌یاندبوو هه‌ر كرده‌وه‌یه‌ك زیان به‌ به‌رژه‌وه‌ندی ناوه‌كی چین بگه‌یه‌نێت له‌گه‌ڵ هێرشێكی دژه‌ تونددا كۆده‌بێته‌وه‌ و سه‌رناكه‌وێت. ئه‌م جوڵه‌یه‌ له‌ ڕۆژانی كۆتایی سه‌رۆكایه‌تی ترامپدا وه‌ك مۆركێكی سه‌ره‌كی له‌په‌یوه‌ندییه‌ دیپلۆماسیه‌كانی نێوان هه‌ردوو لایه‌ندا بینرا. وه‌ك دیاره‌ له‌م چه‌ند ساڵه‌ی دوایدا بارگرژییه‌كانی نێوان چین و تایوان چڕتر بووه‌ و په‌كین هێز به‌كارده‌هێنێت بۆ گه‌ڕاندنه‌وه‌ی دووڕگه‌كه‌. وه‌ك زۆربه‌ی گه‌لان ئه‌مریكا هیچ په‌یوه‌ندیه‌كی دیپلۆماسی ڕه‌سمی له‌گه‌ڵ تایواندا نیه‌ به‌ڵكو به‌ یاسا وه‌سیله‌ی دابینكردنی دوورگه‌یه‌كه‌ بۆ به‌رگریكردن له‌ خۆی.


PUKmedia وه‌رگێرانی ڕۆژان عوسمان

سه‌رچاوه‌/ BBC NEWS

PUKmedia

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket