ئەنجومەنی وەزیران بۆ تاوتوێكردنی رێكخستنەوەی خزمەگوزارییەكانی دەروازە سنوورییەكان و دەرەنجامی كۆبوونەوەی ئەنجومەنی ئابوری سەبارەت بە پێشنووسی پرۆژە یاسای بودجەی هەرێم كۆدەبێتەوە.

سەرچاوەیەك لە ئەنجوومەنی وەزیرانی حكومەتی هەرێم بە PUKmedia ی راگەیاند: پێش نیوەڕۆی ئەمڕۆ چوار شەممە 13-1-2021، ئەنجومەنی وەزیران بە سەرپەرشتی مەسرور بارزانی سەرۆكی حكومەت كۆدەبێتەوە و تێیدا دەرەنجامی كۆبوونەوەی ئەنجومەنی ئابوری سەبارەت بە پێشنووسی پرۆژە یاسای بودجەی هەرێمی كوردستان بۆ ساڵی 2021 تاوتوێ دەكات.

راشیگەیاند: هەر لە كۆبوونەوەكەدا گفتوگۆ دەكەن لەبارەی پرسی رێكخستنەوەی ئەو خزمەگوزارییانەی كه لە دەروازە سنوورییەكانی لە لایەن كەرتی تایبەتەوە پێشكەش دەكرێن و راپۆرتی فەرمانگەی میدیا و زانیاری سەبارەت بە هەڵمەتی بەرەنگاربوونەوەی پەتای كۆرۆنا تاوتوێ دەكەن.

PUKmedia تایبەت