ئاسیاسێڵ: كەرتی مۆبایل لە چوارچێوەی یاساكانی دەوڵەتی فیدراڵیدایە

.

وتەبێژی كۆمپانیای ئاسیا سێل لەبارەی یاسایی باج و ئەو بڕیارانەی كە حكومەتی هەرێمی كوردستان لەسەر كۆمپانیاكانی موبایل دەریكردوە، داوای روونكردنەوەی زیاتر دەكات.

وتەبێژی كۆمپانیای ئاسیاسێڵ عەبدوڵا حەسەن لە لێدوانێكدا رایگەیاند:" كە كۆمپانیای ئاسیاسێڵ پابەند بووە بە یاسای باجی فرۆشراوەكان و بە تەواوەتی هەستاوە بە دەفع كردنی هەر لە ساڵی ٢٠١٥ ەوە كە تیایدا یاساكە دەرچووە لەلایەن حكومەتی فیدراڵییەوە كە ئەویش باجی فرۆشراوەكانە لەسەر بەكاربەر بە رێژەی ٢٠٪ ی نرخی كارتەكانی پڕكردنەوەی بالانس. 

وتەبێژی ئاسیاسێڵ راشیگەیاند:" كە كەرتی مۆبایل بە پێی دەستوور لە عێراقدا لە چوارچێوەی یاساكانی دەوڵەتی فیدراڵیدایە و وەك سەرچاوەیەكی سەرەكی داهاتی دەوڵەت لە بەغداوە رێكدەخرێت. 

وتەبێژی كۆمپانیای ئاسیاسێڵ ووتووشیەتی:" كە پێویستە وەزارەتی دارایی حكومەتی هەرێمی كوردستان روونكردنەوەی زیاتر بدات لە سەر ئەو خاڵەی كە لە بریارەكەدا لەبارەی كۆمپانیاكانی مۆبایلەوە هاتووە چونكە روون نییە.

PUKmedia راگەیەنراو