كۆبوونەوەی نێوان لێپرسراوی بۆردی رێكخراوە پیشەییەكانی مەكتەبی رێكخراوە دیموكراتییەكان و لیستی سەوزی سەندیكای رۆژنامەنوسانی كوردستان بەڕێوەچوو.

لەكۆبوونەوەكەدا كە ئەمڕۆ سێ شەممە 12-1-2021 لەبارەگای مەكتەبی رێكخراوەكان و بەئامادەبوونی سیروان جەلال ئەندامی مەكتەب بەڕێوەچوو، سەرەتا فەهمی بورهان ئەندامی سەركردایەتی ی.ن.ك باسی لە گرنگی بوونی سەندیكای رۆژنامەنوسان و پێویستی چارەسەركردنی گرفتەكانی سەندیكاكەو لیستی سەوزی كردو رایگەیاند، لەماوەی رابردوودا زۆرجار گلەییمان لە شێوازی كاری رێكخراوەكە كردووە، بۆ لەمەودوا گلەیی ناكاین و هەنگاوی كرداری دەنێین بۆ چارەسەركردنی گرفتەكان و كێشە بنچینەییەكانی سەندیكاكە بە گشتی و لیستی سەوز بەتایبەتی، ئەویش لەپێناوی زیاتر خزمەتگەیاندن بە رۆژنامەنوسان و كاری رۆژنامەوانی لە هەررێمی كوردستان.

دواتر هەریەك لە جێگری نەقیب و لێپرسراوی بەشێك لە لقەكانی سەندیكاكە لەسەر لیستی سەوز، باسیان لە كێشەو گرفتەكانی سەندیكاكە كردو داوایان كرد زیاترو باشتر لە جاران مەكتەبی رێكخراوەدیموكراتییەكان گرنگی بە سەندیكاكە بدات و لەنزیكەوە گوێ لە گرفت و كێشەكانیان بگرن.

لەكۆتایی كۆبوونەوەكەشدا بڕیاردرا كە بە زوترین كات گرفتەكان چارەسەربكرێن و كۆبوونەوەی خوولی نێوانیان بەڕێوەبچێت و سیستمی پاداشت و سزا پەیڕەوبكرێت.

PUKmedia تایبەت