عیراق جەخت لەچارەسەركردنی كێشەی مووچەخۆرانی ھەرێم دەكاتەوە
عیراق 08:45 PM - 2021-01-12.
سەرۆكایەتییەكانی عیراق جەختدەكەنەوە لەپێویستی چەسپاندنی ئاسایش و ئارامی و بەهێزكردنی دەسەڵاتی دەوڵەت و پاراستنی هاووڵاتیان لە لێكەوتە ئابوورییەكان و چارەسەركردنی كێشەی مووچەخۆرانی ھەرێمی كوردستان.
كۆبوونەوەی سەرۆكایەتییەكانی عیراق، جەختدەكاتەوە لە گەیشتن بە چارەسەرێكی گونجاو لە نێوان حكومەتی فیدراڵ و حكومەتی هەرێمی كوردستان لە بارەی دۆسێی داراییە هەڵپەسێردراوەكان، بەتایبەتی پاراستنی مافی سەرجەم مووچەخۆران دوور لە ململانێ سیاسییەكان.
ئێوارەی ئەمڕۆ سێ شەممە 12-1-2021 لە كۆشكی بەغداد د.بەرهەم ساڵح، سەرۆك كۆمار و موستەفا كازمی، سەرۆكی ئەنجومەنی وەزیران و محەمەد حەلبوسی، سەرۆكی ئەنجومەنی نوێنەران و فائق زێدان، سەرۆكی ئەنجومەنی باڵای دادوەری كۆبوونەوە و لەبارەی دواین گۆڕانكاری و پێشهاتەكانی دۆخی سیاسی و ئەمنی و ئابووری وڵاتدا و دۆسیەیی هەڵبژاردنەكانی داهاتوو گفتوگۆیانكرد.
ئامادەبووانی كۆبوونەوەكە جەختیانكردەوە لە پێویستی چەسپاندنی سەقامگیری وڵات و پارێزگاریكردن لە ئاسایش و سەلامەتی هاووڵاتیان و پاراستنی مافی خۆپیشاندانی ئاشتیانە و بەهێزكردنی دەسەڵاتی دەزگا ئەمنییەكان و جێبەجێكردنی یاسا لە پێناو هێنانەدی ئاشتی و ئاسایشی كۆمەڵایەتی.
هەر لەو كۆبوونەوەكەدا دووپاتكرایەوە لە خستنەگەری هەوڵە نیشتمانییەكان بۆ پشتیوانی و بەهێزكردنی دەسەڵاتی دەوڵەتی خاوەن توانا و سەروەری و پاراستنی ماف و ئاسایشی هاووڵاتیان و رێگریكردن لەو كارانەی لە دەرەوەی یاسان و رێكخستنەوەی چەك لە دەرەوەی یاسا.
بەشێكی دیكەی كۆبوونەوەكەدا تاوتوێی گرنگی ئەنجامدانی هەڵبژاردنەكانی داهاتوو كرا، وەك ئەركێكی دیموكراسی و دەستووری لە وڵات، بەتایبەتی تریش وەك داواكارییەكی جەماوەری و نیشتمانی رەوا، بە ئاڕاستەی هەنگاونان بەرەوە چاكسازی و گۆڕانكاری بنەڕەتی، هەروەها وەك وەڵامدانەوەی راستەقینەی دواكارییەكانی گەل، بۆ ھێنانەكایەوەی پەیمانێكی سیاسی نوێ و خزمەتكردنی خەڵك و ھێنادی ئاشتییانەی چاكسازی ریشەیی، بە بەشداری بەرفراوانی ھەمووان.
لەو روانگەیەوە بەشداربووانی كۆبوونەوەكە جەختیانكردەوە لە پێویستی كاركردنی سەرجەم دەسەڵاتەكانی وڵات و هێزە سیاسی و چالاكییە كۆمەڵایەتییەكان بۆ پشتیوانیكردنی سەرخستنی پرۆسەی هەڵبژاردنەكان لە رێگەی رێگریكردن لە ساختەكاری و فرتوفێڵ، بەجۆرێك ھەڵبژاردنەكان بە ببێتە جێی خواستی گەلی عێراق لە ھەڵبژاردنی نوێنەرای راستەقینەییان دوور لە گوشارێكی چەك.
هاوكات ئامادەبووانی كۆبوونەوەكە ئاماژەیانكرد بەپێویستی رەچاوكردنی پاك و بێگەرد و شەفافی هەڵبژاردنەكان لە تەواوی قۆناغەكانی بەڕێوەچوونی دا، بە ھەماھەنگی و چاودێریكردنی بە شێوەیەكی ورد لەگەڵ لایەنە تایبەتمەندەكان و نوێنەرایەتی نەتەوە یەكگرتووەكان.
تەوەرێكی دیكەی كۆبوونەوەكە تەرخانكرابوو سەبارەت بە تێپەراندنی پرۆژە یاسای بودجەی گشتی ساڵی 2021 بە شێوەیەكی دادپەروەرانە بەجۆرێك مافی ھەموو هاووڵاتیانی عێراق بپارێزێت بێ جیاوازی، ھەروەھا رێگری بكات لە لێكەوتەكانی دۆخی دارایی لەسەر بارودۆخی ئابووری وڵات كە ھاتووەتە ئاراوە، بە تایبەتی پاراستنی چین و توێژە كەمدەرامەتەكان كە سەرچاوەی داهاتیان سنوردارە، جەختیشكرایەوە لە گەیشتن بە چارەسەرێكی گونجاو لە نێوان حكومەتی فیدراڵ و حكومەتی هەرێمی كوردستان لە بارەی دۆسیی داراییە هەڵپەسێردراوەكان، بەتایبەتی پاراستنی مافی سەرجەم مووچەخۆران دوور لە ململانێ سیاسییەكان.
PUKmedia نووسینگەی رۆژنامەوانی سەرۆكایەتی كۆمار
هەواڵی زیاتر
-
نوسینگەی مەکتەبی سیاسی لەبەغدا کرایەوە
08:08 PM - 2024-04-24 -
شاڵاو کۆسرەت رەسوڵ: یەکێتی ئامادەیە بۆ هەڵبژاردن
07:39 PM - 2024-04-24 -
ئاسایشی ههولێر گهنجێك دهكوژێت و بنهماڵهكهی داوای روونكردنهوه دهكهن
06:05 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
04:46 PM - 2024-04-24
ئەمانەش ببینە
کوردستان 05:13 PM - 2024-04-24 لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
خەڵاتی زێڕینی بلە بە 10 کەسایەتی نمونەیی بەخشرا
04:30 PM - 2024-04-23
زۆرترین خوێنراو
-
پەیامی یەکێتی دەگەیەنرێتە بەرەی تورکمانی
کوردستان 05:01 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
عیراق 04:46 PM - 2024-04-24 -
شاڵاو کۆسرەت رەسوڵ پێشوازی لە تیمی یەکێتی لە وەزارەتی تەندروستی دەکات
ی ن ک 02:22 PM - 2024-04-24 -
قوباد تاڵەبانی: هەر رۆژەی بیرخەرەوەی تاوانێکە
کوردستان 01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
کوردستان 01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
کوردستان 12:39 PM - 2024-04-24 -
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24 -
وەفدێکی حکومیی عیراق بەشداری ساڵیادی بۆردومانی قەڵادزێ دەکات
کوردستان 10:14 AM - 2024-04-24