كۆمیسیۆن: 433 حزب داوایان بۆ خۆتۆماركردن پێشكه‌شكردووه‌

.

كۆمسیۆنی باڵای هه‌ڵبژاردنه‌كان له‌ عیراق سه‌باره‌ت به‌ ژماره‌ی ئه‌و حزب و لایه‌نانه‌ی كه‌ داوایان پێشكه‌ش كۆمسیۆنه‌كه‌ كردووه‌ بۆ هه‌ڵبژاردنی عیراق له‌ راگه‌یاندراوێكیدا ئاشكرایكردووه‌: 433 حزب داوایان پێشكه‌ش كردووه‌ بۆ تۆماركردنی ناوه‌كانیان له‌ كۆمسیۆن، له‌و ژماره‌یه‌ش 225 حزب په‌سه‌ندكراون و تۆماركراون.

ئاماژه‌ی به‌وه‌شكرد: 63 حزبی نوێ دامه‌زراون و داوای تۆماركردنیان له‌ كۆمسیۆن كردووه‌.

به‌پێی راگه‌یانراوه‌كه‌ی كۆمسیۆن 128 حزب وه‌رنه‌گیراون و ناویان تۆمارنه‌كراوه‌، 17 حزب خۆیان داوای كشانه‌وه‌یان له‌ تۆماركردن كردووه‌، ئاشكراشیكرد: له‌هه‌ڵبژاردنی ئه‌مساڵدا 25 ملیۆن هاوڵاتی عیراقی مافی ده‌نگدانیان هه‌یه‌ و له‌ نێویشیاندا ئه‌و كه‌سانه‌ی 2003 له‌دایكبوون.

ئه‌مه‌ له‌ كاتێكدایه‌ كۆمسیۆنی باڵای هه‌ڵبژاردنه‌كان له‌ عیراق رایگه‌یاند: له‌ 9 تا 16ی ئه‌م مانگه‌ واده‌ی تۆماركردنی حزب و لیست و قه‌واره‌ سیاسییه‌كانی به‌شداربووی هه‌ڵبژاردنه‌ په‌رله‌مانییه‌ پێشوه‌خته‌كه‌ی 6 ی حوزه‌یرانی ئه‌مساڵی عیراقه‌ و له‌ 9ی مانگیشه‌وه‌ تا 28 ی ئه‌م مانگه‌ واده‌ی خۆتۆماركردنی كاندیده‌كانی په‌رله‌مان ده‌بێت.

PUKmedia كۆمسیۆنی باڵای هه‌ڵبژاردنه‌كانی عیراق