شەرمەزاری کێی؟

دەرمان: شەمەزاری خۆمم کە عەینەن تلیاک و دەمانچە کەوتوومەتە بازاڕی قاچاخەوە.

مێژوونووس: تەلەبەکانی ساڵی ٢٠٧٠ کە مەجبوورن ئەم تەئریخە گواوییەی ھەرێم بخوێنن.

سەرکردایەتی سیاسیی کورد: زۆر شەرمەزاری گێزەرم کە دائیمەن لێم تێک ئەچێ وا ئەزانم گونی خۆمە.

یەزید: خەجاڵەتی سلێمانیم کە حسەینێکی وای تیا ناناسم بیکەم بە کەربەلا.

ڤیاگرا: هی بەعزێ لە برادەرانم، کە مودەتێکە ناتوانم رووسووریان بکەم.

دیموکراسی: وەڵڵا شەرمەزاری کەس نیم، خەتای خۆیانە بۆچی بڕوایان پێ کردم؟!

یاریی مناڵان: شەرمەزاری میلەتم، فەقیرە منی لێ بووە بە سیاسەت.

ترێی شارباژێر: بەناوی خۆم و ھەناری خاڵۆزامەوە شەرمەزاری عکومەتین کە ئەوەندە خەمی سومعە و موستەقبەلی ئێمەیەتی، خوا دەست بە گووومرگەکانییەوە بگرێ.

چەقۆی ئەبو ئەڵقە: لەگەڵ خەنجەربۆکسدا کۆڵیک تەریق و رووزەردین چونکێکوم نەمانتوانی لە کاتی خۆیدا بگەینە پەڕلەمان.

ئیعلامی کوردی: شەرمەزاری حاڵی خۆمانین کە لەو مستەوایەدا نییە مەسئولەکان تەنانەت بە تیلەی چاویش تەماشامان بکەن.

سەرمایەداری کورد: پێش ھەموو شتێک شەرمەزاری دائیرەی شوێنەوارین کە لەبەر مەشغەڵەتی نەوت و جگەرە نەمانتوانی گەڕەکە کۆنەکانی تریش تێک و مەکان بدەین.

مەعمور: شەرمەزاری دەسەڵاتین کە بایکۆت و ئەوانەمان لێ کرد، وامان ئەزانی چارەسەری کێشەی مەعاش لە دەستی ئەودایە، دەرکەوت لە گیرفانیدایە.