شێروان میرزا: گەورەترین بودجەی عیراق هێنراوەتە پەرلەمان

.

ئەندامێكی ئەنجومەنی نوێنەرانی عیراق  ئاشكرایدەكات، بودجەی 2021 گەورەترین بودجەیە لەمێژووی عیراقدا كە رەوانەی پەرلەمان كرابێت بۆ گفتوگۆكردن.

شێروان میرزا ئەندامی لیژنەی دارایی ئەنجومەنی نوێنەرانی عیراق بۆ PUKmedia ووتی: پڕۆژە یاسایی بودجەی 2021  گەورەترین  بودجەی عیراقە كە رەوانەی ئەنجومەنی نوێنەرانی عیراق كراوە.

وتیشی: لەپڕۆژە یاساكەدا خەرجی 164 ترلیۆن دینارەو كورتهێنانەكەشی 71 ترلیۆن دینارە، كە ئەمە یەكەمجارە بودجە بەو خەرجیە زۆرەو كورتهێنانە زۆرەی رەوانەی پەرلەمان كرابێت.

شێروان میرزا ئەوەشی ووت: ئەمڕۆ یەكەم دانیشتنی لەسەر كراوە، سبەی لیژنەی دارایی پەرلەمان كۆدەبێتەوەو رۆژانی تریش كۆبونەوەكان لەسەر بودجە بەردەوام دەبێت.

PUKmedia سامان یاروەیس