هەشت ساڵ بەسەر تیرۆرکردنی ساکینە جانسز و هاوڕێیانی تێدەپەڕێت، ساکینە جانسز یەکێکە لە دامەزرێنەرانی پەکەکە لەگەڵ دوو هاوڕێی دیکەیدا بەناوەکانی فیدان دۆغان و لەیلا شایلەمەز لە پاریس کوژران. 

لە 9ـی کانوونى دووەمى 2013 ساکینە جانسز و دوو سیاسەتمەداری دیکە بە ناوەکانى فیدان دۆغان و لەیلا شایلەمەز لە هێرشێکی چەکداریدا لە پاریس شەهید کران. 

ساکینە و هاوڕێکانی لە ئەوروپا ، وڵات بە وڵات ، شار بە شار ، دەرگا بە دەرگا و دەگەڕان و بێ وەساتان هەوڵی دۆزینەوەی ڕێگا بۆ گەیشتن بە کۆمەڵگا جیاوازەکانیان دەدا، کورد و کوردستان و پەکەکە و گەریلا و بەرخۆدانیان پێدەناساندەوە.

ساکینە جانسز (سارا)، لەگەڵ لەیلا شایلەمەز (ڕۆناهی) ئەندامی ڕێکخراوی لاوانی کوردی ئەورووپا و فیدان دۆغان (ڕۆژبین) ئەندامی پەروەردەکانی دەرەوەی کورد لە ئەوروپا، لە پاریسی پایتەختی فەرەنسا، ساڵی ٢٠١٣ لە لایەن بکوژێکی میتی تورکیاوە، بە ناوی عومەر گونەی، لە ئەنجامی پیلانگێڕییەکدا شەهید بوون.

سارا و ڕۆژبین و ڕۆناهی لە لایەن هەزاران کەسەوە هەم لە ئەوروپا و هەم لە وڵات بەڕێکران و بەخاک سپێردران، ساڵانە لە ئەوروپا و بە تایبەت لە فەرەنسا بۆ حەسابپرسینەوە لەو تاوانە، خۆپیشاندانی جەماوەری ئەنجام دەدرێت.

PUKmedia