بەهای دۆلار جێگیرە

.

ئەمڕۆ شەممە 9-1-2021، نرخی هەر 100 دۆلارێكی ئەمریكی لە بازاڕەكانی هەرێمی كوردستان 143هەزار و 500 دیناری عیراقییە.

لەوبارەیەوە شوان هادی خاوەنی نووسینگەی دراو لە بازاڕی دۆلارەكەی سلێمانی تایبەت بە PUKmedia ی راگەیاند: لە ئێستادا بەهای 100 دۆلاری ئەمریكی لە بازاڕەكانی هەرێمی كوردستان بە 143 هەزار و 500 دیناری عیراقییەوە مامەڵەی پێوەدەكرێت و بەراورد بە رۆژانی رابردوو بەهای دۆلار جیگیربوونی بەخۆیەوە بینیووە.

وتیشی: ئەمڕۆ بەهای یۆرۆ 175 هەزار دینار و بەهای پاوەند 193 هەزار 750 دینار و لیرەی توركی 19 هەزار و 500 دینار و تمەنی ئێرانی 5 هەزار و 650 دینارە.

ئەمەش لە كاتێكدایە ماوەی رابردوو نرخی دراوەكان بەگشتی و دۆلار بە تایبەتی لە بازاڕەكانی عیراق و هەرێم جێگیر نەبوو و لە بەرزبوونەوەی بەردەوامدابوو، هۆكارەكەشی بۆ پڕكردنەوەی كۆرتهێنانی بودجەی ساڵی 2021 دەگەڕێنرایەوە.

PUKmedia ژینەر محەمەد