پاره‌ی سێ مانگی مامۆستایانی وانه‌بێژ خه‌رج ده‌كرێت

.

له‌ راگه‌یه‌نراوێكی ئالان حه‌مه‌سه‌عید، وه‌زیری په‌روه‌رده‌ی هه‌رێمی كوردستان كه‌ ئه‌مڕۆ 7-1-2021، كۆپییه‌كی بۆ PUKmedia نێردراوه‌ تێیدا هاتووه‌، له‌ كۆبونه‌وه‌ی 1- 12- 2020ی لیژنه‌ی باڵای روبه‌روبونه‌وه‌ی كۆرۆنا، به‌سه‌رپه‌رشتی وه‌زیری ناوخۆی حكومه‌تی هه‌رێمی كوردستان، به‌نده‌ و وه‌زیری دارایی راسپێردراین كه‌ له‌ پشوه‌كانی ناوه‌نده‌كانی خوێندن به‌هۆی ڤایرۆسی كۆرۆنا، كۆنوسێك سه‌باره‌ت به‌ شایسته‌ داراییه‌كانی وانه‌بێژانی دانه‌مه‌زراو بۆ ئه‌نجومه‌نی وه‌زیران بنێرین، پاش كۆبونه‌وه‌ی هاوبه‌شی وه‌زاره‌تمان و وه‌زاره‌تی دارایی، به‌سوپاسه‌وه‌ له‌لایه‌ن سه‌رۆكی حكومه‌تی هه‌رێمی كوردستان پێشنیاری هه‌ردوو وه‌زاره‌ت په‌سه‌ندكرا، ئه‌مه‌ش ده‌قی راگه‌یه‌نراوه‌كه‌یه‌:

مامۆستایانی وانه‌بێژی ئازیز
سڵاوتان لێبێت، له‌ كۆبوونه‌وه‌ی ١ ی ١٢ ی ٢٠٢٠ ی لیژنه‌ی باڵای روبه‌روبوونه‌وه‌ی كۆرۆنا ، به‌سه‌رپه‌رشتی به‌رێز وه‌زیری ناوخۆی حكومه‌تی هه‌رێمی كوردستان ، به‌نده‌ و به‌رێز وه‌زیری دارایی راسپێردراین كه‌ له‌ پشووه‌كانی ناوه‌نده‌كانی خوێندن به‌هۆی ڤایرۆسی كۆرۆنا ، كۆنووسێك سه‌باره‌ت به‌ شایسته‌ داراییه‌كانی وانه‌بێژانی دانه‌مه‌زراو بۆ ئه‌نجومه‌نی وه‌زیران بنێرین ، پاش كۆبوونه‌وه‌ی هاوبه‌شی وه‌زاره‌تمان و وه‌زاره‌تی دارایی ، به‌سوپاسه‌وه‌ له‌لایه‌ن  جه‌نابی سه‌رۆكی حكومه‌تی هه‌رێمی كوردستانه‌وه‌ به‌رێز مه‌سرور بارزانی، پێشنیاری هه‌ردوو وه‌زاره‌ت په‌سه‌ندكرا و بریاردرا  بۆ مانگه‌كانی ١٠ و ١١ و ١٢ ی ساڵی ٢٠٢٠ بره‌پاره‌یه‌كی بڕاوه‌ی مانگانه‌ ( مقطوع) وه‌ك شایسته‌ی دارایی مامۆستایانی وانه‌بێژی دانه‌مه‌زراو خه‌رج بكرێت به‌م شێوه‌یه‌:

١- هه‌ڵگری بروانامه‌ی بكالۆریۆس و سه‌روتر بری (٣٠٠٠٠٠) سێ سه‌د هه‌زار دینار.
٢- هه‌ڵگری بروانامه‌ی دبلۆم (٢٥٠٠٠٠) دووسه‌دو په‌نجا هه‌زار دینار.

 ئالان حمه‌سعید سالح
     وه‌زیری په‌روه‌رده‌
      ٧ی ١ی ٢٠٢١

PUKmedia