كاروانێكی تری هاوكاری سەربازی هاوپەیمانان گەیشتە پێشمەرگە

.

هاوپەیمانان كۆمەڵێك پێداویستی سەربازی بەتایبەتی ئۆتۆمبێل پێشكەشی وەزارەتی پێشمەرگە كرد، جێگری فەرماندەی هێزەكانی ئەمریكاش لەعیراق رایدەگەیەنێت: لەداهاتوو ئەو هاوكاریانە بۆ پێشمەرگە بەردەوام دەبن.

وەزارەتی پێشمەرگەی هەرێم رایگەیاند: ئەمڕۆ 7ی 1ی 2021 بەئامادەبوونی كۆڵۆنێڵ ولیام یاردەدەری  جێگری فەرماندەی هێزەكانی ئەمریكا لە عیراق و عەمید شێرزاد ئەسعەد سەرۆكی لیژنەی وەرگرتنی هاوكارییەكانی هاوپەیمانان لە وەزارەتی پێشمەرگە، رێورەسمی ئیمزاكردنی گەیاندنی پێداویستی سەربازی لەلایەن هێزەكانی هاوپەیمانان بۆ وەزارەتی پێشمەرگە بەڕێوەچوو.

رونیشیكردوەتەوە: بڕیارە سەرجەم ئەو پێداویستیانە بەسەر لیواكانی سەر بە وەزارتی پێشمەرگە دابەش بكرێت.

كۆڵۆنێڵ ولیام یارددەدەری جێگری فەرماندەی هێزەكانی ئەمریكا لە عیراق  لەبارەی ئەو هاوكاریانە رایگەیاند: ئەوەی ئەمجارە پێشكەشی وەزارەتی پێشمەرگەمان كرد كۆمەڵێك پێداویستی سەربازی بوو، بەتایبەتی ئۆتۆمبێل، ئەویش لە چوارچێوەی ئەو هەماهەنگیەی لە نێوان هاوپەیمانان و وەزارەتی پێشمەرگە دا هەیە.

ئەوەشی وتوە: بەئامانجی دابینكردنی پێداویستیە سەربازییەكان لە داهاتوو ئەو هاوكاریانە بۆ پێشمەرگە بەردەوام دەبن.

لای خۆشیەوە عەمید شێرزاد ئەسعەد سەرۆكی لیژنەی وەرگرتنی هاوكارییەكانی هاوپەیمانان لە وەزارەتی پێشمەرگە رایگەیاندوە: ئەمڕۆ جارێكی دیكە كۆمەڵێك پێداویستی سەربازیمان لە هاوپەیمانان وەرگرت، ئەمەش لە چوارچێوەی ئەو هاوكاریانەیە كە هاوپەیمانان پێشكەشی وەزارەتی پێشمەرگەی دەكەن.

دەشڵێت: سوپاسی هێزەكانی هاوپەیمانان دەكەین بۆ ئە و پاڵپشتیانەی لە وەزارەتی پێشمەرگەی دەكەن كە ئەمڕۆ بۆ هێزەكانی پێشمەرگە زۆر پێویستە، هیوادارین بەردەوام بێت.

PUKmedia