بەهۆی دابەزینی نرخی دینار لەهەرێمی کوردستان و زیان گەیاندن بە گشتی بازاڕ، جل و بەرگی بالە (لەنگە)ش هەرزان دەبێت.

دوكانەی لەنگە فرۆشەكانی هەولێر كەدەكەوێتە نێوان هەردوو شەقامی (40و60) مەتری نزیك نەخۆشخانەی رزگاری ,ئەمساڵ بەهۆی بەرزبونەوەی دۆلارو دابەزینی نرخی دینارلەهەرێمی کودستان ,بازاربەگشتی زیانی بەركەوتووە,بەتایبەتی جل بەرگ , لەو بارەیەوە هیوا خاوەن دوكانی فرۆشتنی قەمسەلە لەبازاڕی لەنگەی هەولێر بۆ PUKmedia وتی:  ساڵانە لە وەرزی زستان كریارمان زۆربوە ئەم ساڵ بەهۆی بەرزبونەوەی دۆلارو دابەزینی نرخی دینار زیانمان بەركەوتووە .

وتیشی: پێشتر قەمسەڵە بە (10تا20) هەزار دینار بوو بەڵام ئەمرۆ بە کەمتر لە 10 هەزار ئەیفرۆشین لەگەڵ ئەوەش هێشتا كریار كەمە و هۆیەكەشی بەرزبونەوەی دۆلارو كەمی مووچەی فەرمانبەرە.

هەرلەو بازارە جل وبەرگێكی زۆر لەسەر عەرەبانەکان دانراوا هاواری بۆدەکەن: (قەمسەڵە بە یەك هەزار).

ژنێك وتی: پێشتر بۆ هەر سێ‌ منداڵەكەم ,سێ‌ قەمسەڵەی نوێیم دەكڕی ئەوە دوو ساڵە بە هۆی دواكەوتنی  مووچە و گرانبونی دۆلار ناچارم روو لە لەنگە بكەم وبە هەرزان قەمسەڵەی لەنگەیان بۆبكرم .

فەرحان ساڵانێكە كڕین و فرۆشتنی لەنگە دەكات وتی: ئێمە بە کاڵاکان لە توركیا یا ئێران بە دۆلار دەركڕین دوای لە كۆگا هەموو فەردەكان دەكینەوە وپارچەكان جیادەكینەوە , ژنان و پیاوان و مناڵان و دوكاندارەكانیش لێمان دەكڕن وهەركاتی نرخی دۆلار بەرزبێتەوە ئەوە زیان بە دینارمان دەكەوەێت‌ .

PUKmedia سەباح شوكر