کەناڵی ئایندەو رادیۆی مەشخەڵان کارمەندەکانی خەڵات دەکات

1/1/2021 21:57:00

چاپ کردن

بە وێنەوە

بە بێ وێنە

.

بەڕێوەبەری کەناڵی ئایندە و ڕادیۆی مەشخەڵان خەڵآتی ڕێزلێنانی بەخشییە کارمەندانی دەزگاکە.

ئێوارەی ئەمڕۆ بەبۆنەی شانزەهەمین ساڵڕۆژی دامەزراندنی کەناڵەکەوە لە کۆبوونەوەیەکدا بەڕێوەبەری میدیای ئایندە دەستخۆشی لە کارمەندانی بەش یەکەکانی کەناڵەکە کرد و تیشکی خستە سەر ئەنجامی هەوڵ و ماندوو بونیان، ستایش و پیزانینی (مەکتەبی ڕاگەیاندن)ی یەکێتی نیشتمانی کوردستانی پێگەیاندن و هیوای خواست بەشێوەیەکی باشتر خزمەتی زیاتر بە بینەرانیان بکەن لەسنوورەکە.

هاوکات لەبەرامبەر دڵسۆزی وماندووبونیان لەماوەی ڕابردوودا و خزمەتە بەردەوامەکانیان خەڵاتی ڕێزلێنانی بەخشیە سەرجەم کارمەندەکانی دەزگاکە.

دواتر و لە مەراسیمێکی خنجیلانەدا ساڵرۆژی دامەزراندنی کەناڵەکە بەرز ڕاگیرا و کێکی شانزەهەمین ساڵڕۆژی دامەزراندنی کەناڵەکە شکێنرا.

کەناڵی ئایندە لە ساڵی ٢٠٠٥ لەگەرمیان دامەزرا و هاوشانی ڕادیۆی مەشخەڵان و سۆشیال میدیاکەی خزمەتی بێوچانی بواری ڕاگەیاندنی کردووە لەگەرمیان، لە ئێستادا لەسەرجەم شاروشارۆچکەکانی کوردستان بە کوالتییەکی باش پەخشی بڕگەوبەرنامەکانی خۆی ئەکات.

PUKmedia

١.jpg