وه‌فدی مه‌كته‌بی راگه‌یاندنی یه‌كێتی حسێن عارف به‌سه‌رده‌كه‌نه‌وه‌

.

وه‌فدێكی مه‌كته‌بی ڕاگه‌یاندنی یه‌كێتی نیشتیمانی كوردستان به‌سه‌رپه‌رشتی ستران عه‌بدوڵا ئه‌ندامی سه‌كردایه‌تی، له‌ شاری سلێمانی سه‌ردانی حسێن عارف چیرۆك نووس و نووسه‌ر و كه‌سایه‌تی بواری ئه‌ده‌بی یان كرد.

سه‌ردانی وه‌فده‌كه‌ی  مه‌كته‌بی راگه‌یاندنی یه‌كێتی نیشتیمانی كوردستان به‌مه‌به‌ستی له‌ نزیكه‌وه‌ هه‌واڵ پرسین و ئاگاداربوون بوو له‌ ته‌ندروستی چیرۆكنووس و كه‌سایه‌تی دیاری ئه‌ده‌بی گه‌لی كورد.

لای خۆشییه‌وه‌ محه‌مه‌د كه‌ریم سه‌رنووسه‌ری رۆژنامه‌ی كوردستانی نوێ‌ ئه‌وه‌ی خسته‌ڕوو ئامانجی سه‌ردانه‌كه‌یان بۆ ئاگاداربون بووه‌،  له‌ دۆخی ته‌ندروستی و هه‌روه‌ها گفتوگۆكردن ده‌رباره‌ی هه‌وڵه‌ به‌رده‌وامه‌كانی حسێن عارفی چیرۆكنووس، كه‌ له‌ ژیانیدا به‌رده‌وام هه‌وڵی بۆ خزمه‌تكردن و پێشكه‌وتنی ئه‌ده‌بی كوردی داوه‌ و له‌و نێوه‌نده‌شدا رۆڵی كاریگه‌ر و به‌رچاوی هه‌بووه‌.

PUKmedia