قەپاتمە

.

قەپاتمە

خولەپیزە ھێرش دێنێ و
دیفاعەکەش پۆلیسێکی ئیجازەیە
ھەندێک بەڕێز
شەوان قەپاتمەی حوکمەتە و
بە رۆژیش موعارەزەیە
داھاتمان ھێندەی نەرویجە و
ژیانمان لە خوار غەززەیە
***

بە دوگمەیەک ئەخولێمەوە
کردوتانم بە غەسسالە
کەس تاقەتی لێم نەماوە
عەینەن تەحلیل و مەقالە
کۆرۆنا تەعزێشی نەھێشت
بوو بە بەڵای قورعانخوێن
و کاکە نوریی برای قالە
*****

پیاو یەکسەر ئیسراحەت ئەکات
بەو لێدوانانەی ئێوە
وەکو رێواسە بە خوێوە
دوای دوو بیرە
میزکردنێکە بە پێوە
ئارامبەخشن
دەنگن دەنگی
فەیروز و کەلسوم و سێوە
***

بەڕاستی زۆر ناھەقییە
بەقەد ھەیفا وەھبی جوان بی و
خەبات بکەی بۆ یەکسانی
مودیری کۆمپانیای کار بی و
ترست ھەبێ لە گرانی
حاجی قاسم پایتەختەکەی پاراستبی
لە دواشەوە خەنجەر بدەی لە ئێرانی
***

دڵسۆزترین ناسیۆنالیست
حەتمەن لای لایەنێک جاشە
دڵدارەکەت ھەتا دوور بێ
دڵڕفێن و گەرم و باشە
لەم ولاتە
سڕی بەردەوامیی تەئریخ
پەنتەڕناشە